مەملەكەت باسشىسىنىڭ تاپسىرماسى بويىنشا وڭىرلەردەگى ەپيدەميالىق جاعدايدى تەكسەرۋ ءۇشىن پرەمەر-ءمينيستردىڭ ورىنباسارى ەرالى توعجانوۆ جۇمىس ساپارىمەن ماڭعىستاۋ وبلىسىنا باردى. ساپار بارىسىندا وبلىستاعى بىرقاتار مەديتسينالىق مەكەمەلەردى ارالاپ, وڭىردەگى مەديتسينا قىزمەتكەرلەرىمەن كەزدەسۋ وتكىزدى, سونداي-اق «سق-فارماتسيا» جشس قويمالارىندا ءدارى-دارمەكتەر قورىنىڭ بولۋىن تەكسەردى.
«سق-فارماتسيا» جشس قويمالارىن تەكسەرۋ كەزىندە كۆي مەن پنەۆمونيانى ەمدەۋ ءۇشىن قاجەتتى ءدارى-دارمەكتەردىڭ ەكى ءتۇرى – دەكسامەتازون جانە پرەدنيزولون دارىلەرى بويىنشا ءبىر ايلىق قورىنىڭ تاپشىلىعى انىقتالدى. وسى ماسەلەنى شەشۋ ءۇشىن «سق-فارماتسيا» جشس-ىنا ماڭعىستاۋ وبلىسىنىڭ اكىمدىگىمەن بىرلەسىپ مەديتسينالىق مەكەمەلەرگە تيەلگەن ءدارى-دارمەكتەرگە اۋديت جۇرگىزۋ, سونداي-اق قىسقا مەرزىم ىشىندە دارىلىك زاتتاردىڭ قاجەتتى قورىن قامتاماسىز ەتۋ تاپسىرىلدى.
ۇكىمەتتىك دەلەگاتسيا سونىمەن قاتار اقتاۋداعى قوناق ۇيلەردىڭ بىرىندە مەديتسينا قىزمەتكەرلەرىنىڭ تۇرۋ جاعدايىمەن تانىستى. بۇگىنگى تاڭدا قوناق ۇيدە ماماندار ورنالاستىرىلعان, ونىڭ ىشىندە باسقا وڭىرلەردەن ىسساپارعا جىبەرىلگەن 11 اسكەري دارىگەر بار.
كەزدەسۋ بارىسىندا مەديتسينا قىزمەتكەرلەرى تۇرۋ جانە جۇمىس ىستەۋ جاعدايلارى, سونداي-اق وڭىردە ەنگىزىلگەن كارانتين شارالارى ارقىلى اۋرۋحانالاردا جۇكتەمەنىڭ تۇراقتى ازايعانى تۋرالى ايتىپ بەردى. پرەمەر-ءمينيستردىڭ ورىنباسارى پاندەميا كەزىندەگى الدىڭعى شەپتەگى ەرەن ەڭبەگى ءۇشىن مەديتسينا قىزمەتكەرلەرىنە العىس ءبىلدىردى.
ايتا كەتەيىك, COVID-19-بەن كۇرەسۋ ءۇشىن وڭىرگە 47 مامان تارتىلدى. دارىگەرلەر ەكى اۋىسىمدا جۇمىس ىستەيدى جانە كارانتين شارالارى اياسىندا 15 قوناق ۇيدە وقشاۋلانىپ تۇرىپ جاتىر, ولار بارلىق قاجەتتى زاتتارمەن, ونىڭ ىشىندە جەكە قورعانىش قۇرالدارىمەن قامتاماسىز ەتىلگەن.
بۇعان دەيىن ە. توعجانوۆ قىزىلوردا وبلىسىنا بارىپ, وندا شۇعىل كەڭەس وتكىزگەن ەدى جانە وبلىستىق بىرقاتار مەديتسينا مەكەمەلەرى مەن ءدارىحانالاردى ارالادى.
ماڭعىستاۋ وبلىسى