نۇر-سۇلتاندا 5 شىلدەدەن باستاپ ەنگىزىلگەن كارانتين شارالارى مەن امبۋلاتوريالىق ەمدەۋدى كۇشەيتۋ ناتيجەسىندە پنەۆمونيامەن اۋرۋحاناعا تۇسكەندەر سانى 40,5% – 1348-دەن 793-كە دەيىن ازايدى. سونىمەن قاتار كوروناۆيرۋس ستاتسيونارلارىنا تۇسكەن ناۋقاستار سانى 50,3%-عا ازايدى, - دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
"كارانتين شارالارى, ەمحانالاردا امبۋلاتوريالىق ەمدەۋدى كۇشەيتۋ جانە قالا تۇرعىندارىنىڭ سانيتاريا نورمالارىن قاتاڭ ساقتاۋى دەنساۋلىق ساقتاۋ جۇيەسىنە, دارىگەرلەرگە جۇكتەمەنى ايتارلىقتاي تومەندەتتى. جەدەل جاردەم ستانتسياسىنا قوڭىراۋلار سانى ەكى ەسەدەن استام ازايدى – تاۋلىگىنە 2400-دەن 1129-عا دەيىن (52,3%). سونىڭ ىشىندە كۆي بويىنشا – كۇنىنە 350-دەن 112-گە دەيىن. كارانتينگە دەيىن, كوروناۆيرۋستىڭ اۋىر دارەجەسىمەنى ناۋقاستار مەديتسينا مەكەمەلەرىنە بىرىنەن سوڭ ءبىرى ءتۇسىپ جاتاتىن – دارىگەرلەر فيزيكالىق, مورالدىق تۇرعىدان وتە اۋىر ءتيدى. دەنساۋلىق ساقتاۋ ماماندارى ءار ناۋقاس ءۇشىن سوڭىنا دەيىن كۇرەستى. قازىر اۋىر ناۋقاستار سانى ازايدى. ەكى كۇن بۇرىن دارىگەرلەرىمىز وكپەسى 100%, 90% قابىنعان ناۋقاستاردى ەمدەپ شىعاردى. ازاماتتاردان كارانتين الىنىپ تاستالعاننان كەيىن دە ينفەكتسيانىڭ الدىن الۋ ءۇشىن سانيتاريا نورمالارىن قاتاڭ ساقتاۋدى سۇرايمىز", – دەدى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ءاليا رۇستەموۆا.
وسىلايشا, كۆي-دەن ەمدەلىپ شىققاندار سانى 67%-دى قۇرادى – 9494 ناۋقاستىڭ 6607-ءى ساۋىعىپ شىقتى. توسەك-ورىن قورىنىڭ جۇكتەمەسى 90%-دان 47%-عا ازايدى.