23 شىلدەدە قازاقستاننىڭ ەستونياداعى ەلشىلىگى ەستونيانىڭ دەنساۋلىق ساقتاۋ سالاسىن تسيفرلىق دامىتۋىن ۇيىمداستىرۋشىلارىنىڭ, مەديتسينالىق كومپانيالاردىڭ, IT سالاسىنىڭ وكىلدەرىنىڭ جانە قر ەستونياداعى ەلشىسى ن.سەيتىموۆتىڭ, قر تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى ا.وسپانوۆتىڭ, قر دەنساۋلىق ساقتاۋ مينيسترلىگى دەنساۋلىق ساقتاۋدى تسيفرلاندىرۋ دەپارتامەنتىنىڭ ديرەكتورى ب.ەسەنباەۆتىڭ جانە قۇزىرەتتىلىك ورتالىعىنىڭ باسشىسى ە.ماكۋلبەكوۆتىڭ قاتىسۋىمەن بەينەكونفەرەنتسيا ۇيىمداستىردى. بۇل تۋرالى ءسىم ءباسپاسوز قىزمەتى حابارلادى, - دەپ جازادى Egemen.kz
ۆيدەوكونفەرەنتسيا بارىسىندا ەستونياداعى دەنساۋلىق ساقتاۋ سالاسىنداعى مەملەكەتتىك-جەكەمەنشىك سەرىكتەستىكتىڭ ەستونيا تاجىريبەسىن COVID-19 پاندەميا كەزىندە قولدانۋ مۇمكىندىگى, قاشىقتىقتان مەديتسينالىق كونسۋلتاتسيا بەرۋ تاجىريبەسىن ەنگىزۋ, مەديتسينالىق مەكەمەلەردەگى بارلىق جۇمىس پروتسەستەرىن تسيفرلاندىرۋ جانە باسقا دا قىزىعۋشىلىق تۋدىراتىن ماسەلەلەر تالقىلاندى.
ءىس-شاراعا قاتىسۋشىلار وسى كەزدەسۋدىڭ ماڭىزدىلىعى مەن ءتيىمدى جاقتارىن اتاپ ءوتىپ, ءوزارا ىنتىماقتاستىقتى پراكتيكالىق تۇرعىدا جالعاستىرۋعا كەلىستى.
ەستوندىق تاراپتان بەينەكونفەرەنتسياعا "TNP Konsultatsioonid" كومپانيسىنىڭ باسشىسى ە.توماسوۆا, "EstMedica" كلينيكالىق جەلىسىنىڭ جەتەكشىسى ا.دەتوچەنكو, ريگيكوگۋ (پارلامەنت) دەپۋتاتى, الەۋمەتتىك ماسەلەلەر جونىندەگى پارلامەنتتىك كوميسسيانىڭ مۇشەسى ۆ.ۆاسيلەۆ جانە "IDIK" كومپانياسىنىڭ باسشىسى س.موزاەۆ قاتىستى.