سىر وڭىرىندەگى جۇمىس ساپارى اياسىندا ۆيتسە-پرەمەر ايماقتاعى ءدارىحانالاردىڭ ءدارى قورىنا قاتىستى قابىلدانعان شارالارمەن تانىسىپ, ءدارىحانالار جەلىسىنىڭ جۇمىس جاساۋ بارىسىن باقىلادى, - دەپ حابارلايدى Egemen.kz.
بۇگىنگى كۇنى قىزىلوردا وبلىسى بويىنشا 328 ءدارىحانا, ءدارىحانا پۋنكتتەرى فارماتسەۆتيكالىق قىزمەتپەن اينالىسادى, ونىڭ 178-ءى قىزىلوردا قالاسىندا ورنالاسقان. ىندەتتىڭ تارالماۋىنا قاجەتتى ءدارى-دارمەكتەردىڭ ۋاقىتىلى جەتۋى جانە باعاسىنىڭ نەگىزسىز كوتەرىلمەۋىن ارنايى مونيتورينگتىك توپ باقىلاۋدا ۇستايدى. بۇگىنگى كۇنگە دەيىن مونيتورينگتىك توپ قالاداعى 9 ەمحانا مەن سق-فارماتسيا جشس دارىلىك قويماسىنا, 86 دارىحاناعا مونيتورينگ جۇرگىزدى. سونىڭ ناتيجەسىندە ايماقتا دارىحانالارداعى ۇزىن-سونار كەزەك ازايدى. ۆيرۋسقا قارسى ىستىقتى تۇسىرەتىن, قىزۋدى باساتىن قاجەتتى ءدارى-دارىمەكتىڭ قورى كۇن سايىن جاڭارتىلىپ وتىر. ءدارىحانا جەلىلەرى كۇندەلىكتى دارىلىك زاتتار مەن مەديتسينالىق بۇيىمدارعا تاپسىرىس بەرىپ, سۇرانىسقا سايكەس قاجەتتىلىكتەردى قامتاماسىز ەتۋدە. بۇگىنگى كۇنى ۆيرۋسقا قارسى ىستىقتى تۇسىرەتىن, ميكروبتى تۇسىرەتىن دارىلىك زاتتار قورى 354 262 دانانى قۇرايدى.
ءدارىحانادا حالىق تاراپىنان ۇنەمى سۇرانىستاعى ەۋففەلين», "س" ءۆيتامينى, "سۋمامەد", "تسيپرولەت", "ۆ" ۆيتاميندەر كەشەنى "ميلگامما", "رەمابەرين", "پوليوكسيدوني", "وفلو", ت.ب. دارىلىك زاتتارى كەلىپ تۇسەدى.
قازىرگى تاڭدا "زەردە" جاۋاپكەرشىلىگى شەكتەۋلى سەرىكتەستىگىنىڭ قىزىلوردا قالاسىندا 3 ءدارىحاناسى بار. بۇعان دەيىن قالادا "زەردە" جشس-ءنىڭ ءبىر عانا ءدارىحاناسى حالىققا قىزمەت كورسەتىپ كەلسە, ەندى ولاردىڭ قاتارى ماۋسىم ايىندا 2 دارىحانامەن تولىقتى. بۇل سوڭعى كەزدە قالىپتاسقان دارىلىك تاپشىلىقتى جويۋعا, ءدارىحانالاردا قالىپتاسقان كەزەكتى بولدىرماۋعا جول اشتى.
وبلىس اكىمىنىڭ تاپسىرماسىنا سايكەس دارىحانالارعا قاجەتتى قوردى قالىپتاستىرۋ ءۇشىن بۇگىنگى كۇنى ديستريبيۋتورلارمەن ءوزارا كەلىسىم جولعا قويىلدى. وبلىس اۋماعىنداعى ءىرى جانە كىشى ءدارىحانالار جەلىسىنە قاجەتتىلىكتەرىنە قاراي دارىلىك پرەپاراتتار ۇدايى جەتكىزىلۋدە.
ۆيتسە-پرەمەر ەرالى توعجانوۆ وبلىستاعى دارىلىك زاتتاردىڭ جەتكىلىكتى بولۋىن قامتاماسىز ەتۋدى جانە حالىق سۇرانىسىنداعى دارىلەردىڭ ۇدايى جەتۋىن نازارعا الۋدى جەتكىزدى.