ءدارى-دارمەك قاجەتتىلىگىنە بايلانىستى ارنايى ىسكە قوسىلعان ء"دارىحانا" موبيلدىك قوسىمشانى تۇركستان وبلىسىنىڭ تۇرعىندارى ءتيىمدى پايدالانا باستادى, - دەپ جازادى Egemen.kz.
ماسەلەن, قوسىمشاعا 35 مىڭعا جۋىق ازامات تىركەلىپ, وزىنە قاجەتتى ءدارى-دارمەكتەردى تابۋعا مۇمكىندىك العان.
مىسالى, شىلدە ايىنىڭ 14-23 كۇندەرى ارالىعىندا قوسىمشادان تۇرعىنداردىڭ 187 311 رەت ءدارى-دارمەك ىزدەگەنى بەلگىلى بولدى.
سونداي-اق, قوسىمشادا كەيبىر مەديتسينالىق پرەپاراتتارعا سۇرانىس ارتىپ, حالىقتان مىڭنان استام ءوتىنىش كەلىپ تۇسكەن. جالپى وبلىس كولەمىندە باعدارلاماعا 7 ءدارىحانا ىزدەۋ جۇيەسىنە قوسىلسا, 531 ءدارىحانانىڭ تىزىمدەرى مەن مەكەن-جايى ەنگىزىلگەن. ياعني تۇركىستاندىقتار ءدارىحانانىڭ مەكەن-جايىن, بايلانىس ءنومىرىن جانە ىزدەگەن ءدارىسىنىڭ بار-جوعىن قوسىمشا ارقىلى بىلە الادى.
سونداي-اق, ءدارى باعاسىنىڭ نەگىزسىز كوتەرىلۋى سىندى جاعدايلار ورىن العان بولسا, "شاعىمدانۋ" ءبولىمى ارقىلى شاعىم جاساۋ مۇمكىندىگى بار.