الماتىدا ءدارى تاپشىلىعىنا بايلانىستى جاعداي تۇراقتالىپ كەلەدى

16 شىلدەدەن باستاپ بۇگىنگى كۇنگە دەيىن تۇراقتاندىرۋ قورىنىڭ رەزەرۆىنەن قالانىڭ ءدارىحانا جەلىلەرىنە 437 مىڭ قاپتامادان اساتىن دارىلىك پرەپاراتتاردى جەتكىزۋ جۇزەگە اسىرىلدى. سونىمەن بىرگە, تۇراقتاندىرۋ قورىنان بولىنگەن قارجى اياسىندا ءۇندىستاننان 3,8 ملن قاپتاما ءدارى جەتكىزىلدى. اتالعان كولەمدەگى دارىلەر قالانىڭ دارىلىك پرەپاراتتارعا دەگەن ءبىر ايلىق سۇرانىسىن جابۋعا مۇمكىندىك بەرەدى.

"ەڭ باستىسى – تۇرعىنداردىڭ دۇرلىگۋىن باسىپ, قاجەتتى دارىلەردى بارلىق ءدارىحانا سورەلەرىنە دەيىن جەتكىزۋ قاجەت بولدى. قازىر ءبىز جاسالعان جۇمىستاردىڭ ناتيجەسىن كورىپ وتىرمىز. ءبىز اكىمدىك جانىنان جابدىقتاۋ توبىن قۇردىق جانە ول توپ قازىر تىكەلەي قولدارىمەن وندىرۋشىدەن ءبىزدىڭ ءدارىحانالاردىڭ سورەلەرىنە دەيىن جولداپ وتىرادى", - دەپ اتاپ ءوتتى اكىم.

ب.ساعىنتاەۆ باستاپقىدا دارىلەرمەن قامتاماسىز ەتۋگە 105 جۇيە قۇرۋشى ءىرى ءدارىحانالار الىنعانىن اتاپ ءوتتى. قازىر مۇنداي ءدارىحانالار سانى 385-كە جەتكەن. بۇل ءتىزىم بىرتىندەپ ۇلعايتىلىپ وتىرادى.

"ماسەلەن, ەگەر مامىر ايىندا 50 مىڭ قاپتاما پاراتسەتامول ساتىلسا, شىلدەنىڭ 3 اپتاسىندا ميلليون قاپتاما ساتىلىپ كەتكەن – سۇرانىس وسىنداي بولعان", - دەدى اكىم, بۇگىندە جاعداي تۇراقتالعان.

سەرتيفيكاتتاۋ جانە كەدەندىك اكىمشىلىكتەندىرۋ پروتسەدۋرالارىن جەڭىلدەتۋ تۋرالى شەشىم قابىلدانعان. ۇكىمەتپەن اتالعان شارالار قابىلدانىپ, سونىڭ ارقاسىندا قالاعا مەديكامەنتتەردى جەدەل جەتكىزۋ قامتاماسىز ەتىلدى.

ء"بىز دارىلەردى ءبىر رەتتىك ەنگىزۋ ءۇشىن – قۇجاتتار راسىمدەۋىن ءبىر كۇندە جاساۋ ءۇشىن فارماتسەۆتيكالىق يندۋستريا قاۋىمداستىعىمەن بيلىككە ۇسىنىس جاسادىق, بۇرىن قۇجاتتار 2 اپتا كولەمىندە ازىرلەنەتىن. وسىنداي توسقاۋىلدار كوپ بولدى. ولار دا بەلگىلى ءبىر ۋاقىت الدى. كەدەندىك تازارتۋ پروتسەسى دە تەز وتەدى, ەشقانداي ماسەلە جوق", - دەپ تولىقتىردى ول.