مەملەكەت باسشىسى نۇرسۇلتان نازارباەۆ «بايتەرەك» ۇلتتىق باسقارۋشى حولدينگى» اق باسقارما توراعاسى قۋاندىق بيشىمباەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە ق.بيشىمباەۆ دامۋ ينستيتۋتتارىنىڭ قارجىلىق جاعدايىنىڭ دياگنوستيكاسى ناتيجەلەرى مەن حولدينگ ستراتەگياسى تۋرالى بايانداپ بەردى.
مەملەكەت باسشىسى نۇرسۇلتان نازارباەۆ «بايتەرەك» ۇلتتىق باسقارۋشى حولدينگى» اق باسقارما توراعاسى قۋاندىق بيشىمباەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋدە ق.بيشىمباەۆ دامۋ ينستيتۋتتارىنىڭ قارجىلىق جاعدايىنىڭ دياگنوستيكاسى ناتيجەلەرى مەن حولدينگ ستراتەگياسى تۋرالى بايانداپ بەردى.
نۇرسۇلتان نازارباەۆ حولدينگ الدىندا ەلىمىزدىڭ دامۋ ينستيتۋتتارىنىڭ قىزمەتىن رەتتەۋ جانە جۇيەلەندىرۋ, سونداي-اق ولار تاراپىنان بولىنەتىن قاراجاتتى ءتيىمدى پايدالانۋدى قامتاماسىز ەتۋ مىندەتى تۇرعانىن اتاپ ءوتتى.
ق.بيشىمباەۆ دياگنوستيكا دامۋ ينستيتۋتتارى قىزمەتىنىڭ ەلەۋلى الەۋەتى بار ەكەنىن كورسەتكەنىن ايتتى. «بايتەرەك» حولدينگىن قۇرۋ مەملەكەتكە قارجى رەسۋرستارىن باسقارۋداعى سينەرگيا ەسەبىنەن جىل سايىن 15 ميللياردقا جۋىق تەڭگە ۇنەمدەۋگە مۇمكىندىك بەرەدى. بۇعان قوسا, حولدينگتىڭ ەنشىلەس ۇيىمدارىنىڭ ىشكى رەزەرۆتەرى ەلىمىزدىڭ ەكونوميكاسىنا 4 ميلليارد دوللار كولەمىندە قوسىمشا قاراجات سالۋدى قامتاماسىز ەتۋگە قابىلەتتى.
مەملەكەت باسشىسى حولدينگ باسقارماسىنىڭ توراعاسىنا شاعىن جانە ورتا بيزنەستى قولداۋعا, جاڭا تەحنولوگيالار مەن يننوۆاتسيالاردى دامىتۋعا, ينۆەستيتسيا تارتۋعا, سونداي-اق دامۋ ينستيتۋتتارى قىزمەتىنىڭ اشىقتىعى مەن تيىمدىلىگىن ارتتىرۋعا ەرەكشە نازار اۋدارۋدى تاپسىردى. «قازاقستاننىڭ تۇرعىن ءۇي-جيناق بانكى» اق-ىندا ءتارتىپ ورناتۋ, بانك باسشىلارىنىڭ «قولجەتىمدى باسپانا» مەملەكەتتىك باعدارلاماسى بويىنشا العان پاتەرلەردى قايتارۋىن قامتاماسىز ەتۋ جانە ولاردى باسپانانى قاجەت ەتەتىندەر اراسىندا قايتا ءبولۋ تۋرالى ارنايى بولەك تاپسىرما بەرىلدى.