*پرەزيدەنت پوشتاسىنان
مەملەكەت باسشىسى نۇرسۇلتان نازارباەۆتىڭ اتىنا وڭتۇستىك قازاقستان وبلىسىنىڭ وزبەك دراما تەاترى ۇجىمىنان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
*پرەزيدەنت پوشتاسىنان
مەملەكەت باسشىسى نۇرسۇلتان نازارباەۆتىڭ اتىنا وڭتۇستىك قازاقستان وبلىسىنىڭ وزبەك دراما تەاترى ۇجىمىنان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
ءوز حاتىندا ۇجىم مۇشەلەرى تاۋەلسىزدىك العاننان كەيىن قازاقستاننىڭ الدىندا تۇرعان نەگىزگى مىندەتتەردىڭ ءبىرى – تۇراقتىلىق پەن قارقىندى دامۋدى قامتاماسىز ەتۋ تابىستى ورىندالعانىن اتاپ وتكەن.
اۆتورلار بۇگىندە بارشا قازاقستاندىقتاردىڭ توپتاسقانىنا جانە قۋاتتى قوعامدى قالىپتاستىرۋعا ەلەۋلى ۇلەستەرىن قوسىپ كەلە جاتقانىنا توقتالعان.
«10 جىل بۇرىن, 22 قازاندا, ءسىز وڭتۇستىك قازاقستان وبلىسىنىڭ سايرام اۋدانىنا ارنايى كەلىپ, وبلىستىق وزبەك دراما تەاترىن اشتىڭىز. بيىل وسى ايتۋلى داتانى اتاپ وتپەكپىز», – دەلىنگەن حاتتا.
سونداي-اق, تەاتر ۇجىمى وتكەن 10 جىلدا تەاتر ساحناسىندا ەلۋدەن استام قويىلىم قويىلىپ, وعان مىڭداعان ادام قاتىسقانىن اتاپ كورسەتكەن. وسى ورايدا ولاردىڭ اراسىندا ەتنوسارالىق كەلىسىمنىڭ قازاقستاندىق ۇلگىسىن ناسيحاتتاۋعا ارنالعان پەسالار ماڭىزدى ورىن الادى.
حات سوڭىندا اۆتورلار مەملەكەت باسشىسىنا ەلىمىزدە جۇرگىزىلىپ وتىرعان ەتنوسارالىق تاتۋلىق پەن كەلىسىمدى قولداۋعا باعىتتالعان ساياسات ءۇشىن العىستارىن بىلدىرگەن.