كەشە پارلامەنت سەناتىندا «تاۋەلسىز قازاقستاننىڭ سىرتقى ساياساتى: باسىمدىقتارى جانە پەرسپەكتيۆالارى» تاقىرىبىنا ارنالعان ۇكىمەت ساعاتى ءوتتى, دەپ حابارلادى وسى پالاتانىڭ ءباسپاسوز قىزمەتى.
ءىس-شاراعا پارلامەنت دەپۋتاتتارى, پرەزيدەنت اكىمشىلىگى مەن ۇكىمەتتىڭ پارلامەنتتەگى وكىلدىكتەرىنىڭ باسشىلارى, ەلىمىزدىڭ سىرتقى ىستەر ءمينيسترى, باسقا دا مەملەكەتتىك ورگانداردىڭ وكىلدەرى قاتىستى.
كەشە پارلامەنت سەناتىندا «تاۋەلسىز قازاقستاننىڭ سىرتقى ساياساتى: باسىمدىقتارى جانە پەرسپەكتيۆالارى» تاقىرىبىنا ارنالعان ۇكىمەت ساعاتى ءوتتى, دەپ حابارلادى وسى پالاتانىڭ ءباسپاسوز قىزمەتى.
ءىس-شاراعا پارلامەنت دەپۋتاتتارى, پرەزيدەنت اكىمشىلىگى مەن ۇكىمەتتىڭ پارلامەنتتەگى وكىلدىكتەرىنىڭ باسشىلارى, ەلىمىزدىڭ سىرتقى ىستەر ءمينيسترى, باسقا دا مەملەكەتتىك ورگانداردىڭ وكىلدەرى قاتىستى.
ۇكىمەت ساعاتىن پارلامەنت سەناتى توراعاسىنىڭ ورىنباسارى قايرات يششانوۆ اشتى. توراعا ورىنباسارى ءوز سوزىندە قازاقستاننىڭ سىرتقى ساياساتى الەمدىك قوعامداستىقپەن دوستىق جانە ءوزارا ءتيىمدى قاتىناستاردى نىعايتۋعا باعىتتالعانىن اتاپ كورسەتتى. ەلىمىزدىڭ سىرتقى ىستەر مينيسترلىگى بۇل باعىتتا اۋقىمدى جۇمىستار اتقارىپ كەلەدى. سىرتقى ساياسات ماسەلەسى ەرەكشە كوڭىل ءبولۋدى قاجەت ەتەدى, سوندىقتان پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتى قازاقستان رەسپۋبليكاسى سىرتقى ىستەر ءمينيسترىنىڭ قاتىسۋىمەن ۇكىمەت ساعاتىن وتكىزۋ جايىندا باستاما كوتەرگەن بولاتىن, دەدى ول.
جيىنعا قاتىسۋشىلار الدىندا نەگىزگى باياندامانى ەلىمىزدىڭ سىرتقى ىستەر ءمينيسترى ەرلان ىدىرىسوۆ جاسادى. ول ءوز سوزىندە مەملەكەت باسشىسى «قازاقستان-2050» ستراتەگياسىندا بەلگىلەپ بەرگەن مىندەتتەردى ىسكە اسىرۋ اياسىندا سىرتقى ساياسي قىزمەتتىڭ بۇدان بىلايعى نەگىزگى باسىمدىقتارىنا توقتالدى. ە.ىدىرىسوۆ قازاقستان الداعى ۋاقىتتا دا حالىقارالىق ۇيىمدار جانە ەڭ الدىمەن, بىرىككەن ۇلتتار ۇيىمى اياسىندا بەلسەندى جۇمىستاردى جالعاستىرا بەرۋگە نيەتتەنىپ وتىرعانىن اتاپ ءوتتى. «وڭىرلىك جانە جاھاندىق قاۋىپسىزدىك ماسەلەسى ەرەكشە نازار اۋدارۋدى قاجەت ەتەدى. قاۋىپسىزدىك ماسەلەلەرىندە قازاقستان ءرولىنىڭ نىعايا ءتۇسۋى, ءبىرىنشى كەزەكتە مەملەكەت باسشىسى بىرنەشە رەت ايتقان جەكەلەگەن حالىقارالىق جاعدايلار بويىنشا سىندارلى ۇسىنىستارعا بايلانىستى بولىپ وتىر. ولاردىڭ كوبى بۇگىنگى تاڭدا الەمدىك ساياساتتا جۇزەگە اسۋدا جانە ءبىزدىڭ بۇل ءۇشىن ەرەكشە جاۋاپتى ەكەنىمىز ايقىن. سونىمەن قاتار, قازاقستان شانحاي ىنتىماقتاستىق ۇيىمى, يسلام ىنتىماقتاستىق ۇيىمى, ۇجىمدىق قاۋىپسىزدىك شارتى ۇيىمى, ازياداعى ءوزارا ءىس-قيمىل جانە سەنىم شارالارى جونىندەگى كەڭەس سياقتى ۇيىمدار شەڭبەرىندە دە ۇلكەن جۇمىس اتقاردى جانە بۇل جۇمىستى جالعاستىرا بەرەمىز», دەدى بايانداماشى.
سونداي-اق, مينيستر ءوز سوزىندە ەلدىڭ ەكونوميكالىق الەۋەتىنىڭ ارتا ءتۇسۋى, ەكونوميكانىڭ يندۋستريالىق-يننوۆاتسيالىق باعداردا بولۋى جانە ەلدىڭ ينۆەستيتسيالىق احۋالىنىڭ جاقسارۋىنا بايلانىستى ماسەلەلەر بىزدەن «ەكونوميكالىق ديپلوماتيانى» ۇدەتە ءتۇسۋدى قاجەت ەتەدى. ءبىز ەۋروپالىق وداقپەن, ازيا ەلدەرىمەن ىنتىماقتاستىقتى كەڭەيتۋگە, سونداي-اق ەۋرازەق اياسىندا ۇيلەستىرۋ جونىندەگى جۇمىستى جالعاستىرۋدى نيەت ەتىپ وتىرمىز, دەدى.
ۇكىمەت ساعاتىندا حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ تە ءسوز سويلەدى. ول بەيبىتشىلىك سۇيگىشتىك ءارى سىرتقى تەپە-تەڭدىك ساياساتى ارقاسىندا قازاقستان حالىقارالىق ارەنادا تانىلىپ, الەمنىڭ بىرقاتار جەتەكشى مەملەكەتتەرىمەن ستراتەگيالىق ارىپتەستىك دەڭگەيىنە كوتەرىلدى دەپ اتاپ ءوتتى.
ي.ادىربەكوۆ ءوز سوزىندە: «پارلامەنتارالىق فورۋمداردا حالىقارالىق كۇن ءتارتىبىندەگى وزەكتى ماسەلەلەرگە ورتاق كوزقاراستار قالاي تۇجىرىمدالىپ, پارلامەنتشىلەر ارقىلى ۇلتتىق مۇددەلەردىڭ قالاي ىلگەرىلەتىلىپ جاتقانىن كورىپ وتىرمىز. ءسوز جوق, پارلامەنتتىك ديپلوماتيانىڭ الەۋەتى زور, سوندىقتان مەملەكەت باسشىسى قويعان سىرتقى ساياسات مىندەتتەرىن ىسكە اسىرۋ ءۇشىن ونى جانداندىرۋ جونىندەگى جۇمىستى جالعاستىرۋ كەرەك», دەدى.
سونىمەن قاتار, ي.ادىربەكوۆ زاڭ شىعارۋ قىزمەتى شەڭبەرىندە پارلامەنت پەن سىرتقى ىستەر مينيسترلىگى اراسىنداعى ءوزارا ءىس-قيمىل ماسەلەلەرىنە نازار اۋداردى. ول, تۇتاستاي العاندا, ەلىمىزدىڭ پارلامەنتى مەن سىرتقى ساياسات مەكەمەسى اراسىندا قازاقستاننىڭ مۇددەلەرىن قورعاۋعا باعىتتالعان سىندارلى جۇمىس جۇرگىزىلىپ جاتىر, دەپ ءسوزىن قورىتىندىلادى.
شارا بارىسىندا ە.ىدىرىسوۆ سەناتورلاردىڭ كوپتەگەن ساۋالدارىنا جاۋاپ بەردى.