جاقىندا ىسساپارمەن كەنشىلەر قالاسى زىرياندا بولعانىمىزدا اۋدان اكىمى ەرماك ءسالىموۆ مەتاللۋرگتەردىڭ مادەنيەت سارايىندا اشىلعان جاتتىعۋ زالىنا ەرتىپ كەلدى. ءبىر بۇرىشتا اۋىر اتلەتيكامەن شۇعىلداناتىندار اق تەر, كوك تەر بولىپ جاتتىعىپ جاتسا, اتشاپتىرىم زالدا كەنشىلەر ارنايى جابدىقتارمەن دەنە قيمىلدارىن جاساۋدا.
جاقىندا ىسساپارمەن كەنشىلەر قالاسى زىرياندا بولعانىمىزدا اۋدان اكىمى ەرماك ءسالىموۆ مەتاللۋرگتەردىڭ مادەنيەت سارايىندا اشىلعان جاتتىعۋ زالىنا ەرتىپ كەلدى. ءبىر بۇرىشتا اۋىر اتلەتيكامەن شۇعىلداناتىندار اق تەر, كوك تەر بولىپ جاتتىعىپ جاتسا, اتشاپتىرىم زالدا كەنشىلەر ارنايى جابدىقتارمەن دەنە قيمىلدارىن جاساۋدا.
– «كازتسينك» جاۋاپكەرشىلىگى شەكتەۋلى سەرىكتەستىگى قالا تۇرعىندارىنا كەرەمەت سىي جاسادى. وبلىس اكىمدىگى مەن «كازتسينك» جشس-ى اراسىندا جاسالعان مەموراندۋمعا سايكەس جاتتىعۋ زالىن پايدالانۋعا بەردى. ونى جابدىقتاۋعا جانە قاجەتتى قوندىرعىلاردى ساتىپ الۋعا 10 ميلليون تەڭگە قارجى ءبولدى. «كازتسينك» سەرىكتەستىگىنىڭ اكىمشىلىك ماسەلەلەر جونىندەگى ۆيتسە-پرەزيدەنتى اندرەي لازارەۆ مۇنىڭ الدىندا ريددەر قالاسىندا كوپشىلىكتىڭ سالاماتتى ءومىر سالتىن ۇستانۋعا جانە سپورتپەن اينالىسۋىنا 10 ميلليون تەڭگە قارجى ءبولىپ, جاڭا جاتتىعۋ الاڭىن پايدالانۋعا جاعداي جاساعان. ەلباسىنىڭ قازاقستان حالقىنا جولداۋىندا ادامداردىڭ بۇقارالىق سپورتپەن اينالىسىپ, دەنساۋلىقتارىن تۇزەۋگە كوڭىل بولۋلەرى جايلى ايتىلعان. شاعىن قالالار تىزىمىنە ەنگەن زىريان مەن ريددەردىڭ ەكونوميكاسى دامىپ كەلەدى. «كازتسينككە» قاراستى ەكى قالاداعى كاسىپورىندا بۇگىنگى تاڭدا بىرنەشە مىڭ ادام ەڭبەك ەتەدى, – دەيدى زىريان اۋدانىنىڭ اكىمى ەرماك بيداحمەت ۇلى.
– وبلىس اكىمدىگىمەن جاساسقان مەموراندۋمعا سايكەس ءبىز قالانىڭ دارىگەرلىك مەكەمەلەرىنە, «جەدەل جاردەم» بولىمشەسى مەن قۇرت اۋرۋى ديسپانسەرىنە, شايبالى حوككەي مودۋلىنا قولعابىس جاساۋعا ءتيىس بولاتىنبىز. «كازتسينك» جشس-ءنىڭ باسشىلارى بەرگەن سەرتتەرىنە بەرىك, الداعى ۋاقىتتا دا قايىرىمدىلىق شارالارىنا قاتىسىپ, ولكەنىڭ وركەندەۋىنە ۇلەس قوسا بەرەدى, – دەيدى «كازتسينك» جشس-ءنىڭ اكىمشىلىك ماسەلەلەر جونىندەگى ۆيتسە-پرەزيدەنتى اندرەي پاۆلوۆيچ لازارەۆ.
وڭداسىن ەلۋباي,
«ەگەمەن قازاقستان».
وسكەمەن.