الەۋمەتتىك جەلىلەردە "تۇركيادان جەتكەن 125 تىنىس الۋ اپپاراتى ەلوردا اۋەجايىنىڭ قويماسىندا جاتىر" دەگەن ۆيدەوماتەريال جارىق كوردى, دەپ حابارلايدى Egemen.kz مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ.
انىعىندا, اعىمداعى جىلدىڭ 14 شىلدەسىندەساعات 02.30-دا نۇر-سۇلتان قالاسىنىڭ اۋەجايىنا تۇركيادان گۋمانيتارلىق جۇك كەلدى. جۇكتى الۋشىلار "سك-فارماتسيا" جشس, "ايدىن نۋرى" قايىرىمدىلىق قورى, "وتانداستار" قورى بولىپ تابىلادى.
12 توننادان استام جۇك ءدارى-دارمەكتەردى, مەديتسينالىق قورعانىس قۇرالدارىن جانە يۆل اپپاراتتارىن قامتيدى.
سامولەتتەن جۇكتى تۇسىرۋ اعىمداعى جىلدىڭ 14 شىلدەسىندە ساعات 4.00 اياقتالدى. كەيىن اتالعان جۇك اۋەجاي قويماسىنا ورنالاستىرىلدى.
ساعات 10.00-دە تاۋار الۋشىلاردىڭ وكىلدەرى كەلگەننەن كەيىن جەڭىلدەتىلگەن تارتىپتە كەدەندىكراسىمدەۋ جۇرگىزىلدى. بارلىق كەدەندىك راسىمدەر 10 مينۋتتىڭ ىشىندە جاسالدى. ساعات 11.00-لەر شاماسىندا جۇك اۋەجايدان بىرنەشە پارتيامەن اكەتىلدى.
بۇل ورايدا مەملەكەتتىك كىرىستەر كوميتەتى سەرتيفيكاتتاۋعا جاتاتىن تاۋارلاردى اكەلۋ بارىسىندا كەدەندىك رەسىمدەۋ ۇشىن رۇقساتناما قۇجاتتارىن ۇسىنۋ قاجەتتىگىن اتاپ كورسەتەدى, سەبەبى بىزدىڭ ازاماتتاردىڭ ءومىرى مەن دەنساۋلىعى مەديتسينالىق پرەپاراتتار مەن بۇيىمداردىڭ ساپاسىنا تىكەلەي تاۋەلدى, ال بۇل ەڭ ماڭىزدى. ساپاسىز پرەپاراتتار مەن بۇيىمداردى قولدانۋ, پاندەميا كەزىندە قوسىمشا قاۋىپ-قاتەر تۋدىرادى.
مەملەكەتتىك كىرىستەر ورگاندارى تاۋارلاردى جەدەل كەدەندىك رەسىمدەۋگە كۇش جۇمىلدىرىپ وتىر جانە قاجەتتى قۇجاتتار ۇسىنىلعان كەزدە, گۋمانيتارلىق كومەك دەرەۋ شىعارىلاتىن بولادى.
وسىعان بايلانىستى بارلىق كەدەن بەكەتتەرى تاۋلىك بويعى رەجيمدە جۇمىس جاسايدى, وندا قاجەتتى قۇجاتتاردى ۇسىنۋ جونىندە كەڭەس بەرۋگە كومەكتەسەدى.
كاسىپكەرلىك سۋبەكتىلەرىن جانە قوعامدىق بىرلەستىكتەردى قانداي دا بىر تۇسىنبەۋشىلىكتەردى, تولقۋلاردى بولدىرماۋ ماقساتىندا قاجەتتى كەڭەس الۋ ۇشىن الدىن-الا جۇگىنۋدى سۇرايمىز.
سونداي-اق, مەملەكەتتىك كىرىستەر كوميتەتىنىڭ كونتاكت-ورتالىعىنا 1414, 8-800-080-7777 بايلانىس تەلەفوندارى بويىنشا جۇگىنۋگە بولادى, دەلىنگەن حابارلامادا.