پنەۆمونياعا شالدىققاندار سانىنىڭ ارتۋىنا, جەدەل مەديتسينالىق كومەك پەن ەمدەلۋگە جاتقىزۋدىڭ قاجەتتىلىگىنە بايلانىستى, الماتى قالاسىنىڭ اكىمى باقىتجان ساعىنتاەۆتىڭ تاپسىرماسىمەن قالالىق قوعامدىق دەنساۋلىق ساقتاۋ باسقارماسى مەن س.اسفەندياروۆ اتىنداعى قازۇمۋ كومەگىمەن الماتىداعى كارديولوگيا جانە ىشكى اۋرۋلار عزي بازاسىندا پاتسيەنتتەردى مونيتورينگىلەۋ ورتالىعى قۇرىلدى.
وسى ورتالىقتىڭ باسشىسى, پروفەسسور, مەديتسينا عىلىمىنىڭ دوكتورى, جوعارى ساناتتى اللەرگولوگ-يممۋنولوگ تاير نۇرپەيسوۆ قىسقا مەرزىمدە ورتالىقتىڭ مىندەتتەرى, تەحنيكالىق مۇمكىندىكتەرىنىڭ ايقىندالعاندىعىن, ۋنيۆەرسيتەت جانە ينستيتۋتتىڭ رەزيدەنتتەرى قاتارىنان, دارىگەرلەر مەن پروفەسسورلار-وقىتۋشىلار قۇرامىنان ەرىكتىلەر بريگاداسى ۇيىمداستىرىلعاندىعىن اتاپ ءوتتى.
ونىڭ ايتۋىنشا, جۇمىس ءۇش دەڭگەيلى جۇيە بويىنشا ۇيىمداستىرىلدى. ولار حالىق جانە مەديتسينا قىزمەتكەرلەرىنىڭ ەڭ ءجيى قوياتىن سۇراقتارىنا جاۋاپ بەرەتىن تاۋلىك بويعى Call-ورتالىق, جوعارى مەديتسينالىق ءبىلىمى مەن جالپى پراكتيكا دارىگەرىنىڭ سەرتيفيكاتى (رەزيدەنت دارىگەرلەر) بار 12 وپەراتورلى كوپ ارنالى تەلەفون جەلىسى. قاشىقتىقتان كونسۋلتاتسيا بەرۋگە ارنالعان كەزەكشى دارىگەرلەر بريگاداسى (24 مامان, ونىڭ ىشىندە تەراپەۆتەر, پۋلمونولوگتار, اللەرگولوگ-يممۋنولوگتار, حيرۋرگتار, اكۋشەر-گينەكولوگتار) ءۇي جاعدايىندا كوروناۆيرۋس ينفەكتسياسى, پنەۆمونيا مەن ىلەسپەلى اۋرۋلاردى ەمدەۋ جانە مونيتورينگىلەۋگە قاتىستى بولاتىن سۇراقتارعا تاۋلىك بويى جاۋاپ بەرەدى. ساراپشى-دارىگەرلەر (كارديولوگتار, ينفەكتسيونيستەر, گاستروەنتەرولوگتار, ەندوكرينولوگتار, اللەرگولوگ-يممۋنولوگتار, پۋلمونولوگتار, حيرۋرگتار جانە ت.ب.) – جوعارى پراكتيكالىق تاجىريبەسى بار 40-تان استام مامان پاتسيەنت – مساك دارىگەرى – كونسۋلتانت رەجيمىندە بەينە كونسۋلتاتسيالار بەرۋدە.
ورتالىق الدىندا حالىققا كوروناۆيرۋس ينفەكتسياسىمەن كۇرەسۋدىڭ ناقتى شارالارىن, اسقىنۋلاردىڭ پروفيلاكتيكاسىن; ىشكى اعزالاردىڭ ىلەسپەلى اۋرۋلارىنىڭ مەنەدجمەنتىن; جەدەل مەديتسينالىق كومەك پەن ەمدەلۋگە جاتقىزۋعا دەگەن قاجەتتىلىكتى تومەندەتۋ, ۇرەي, قورقىنىش كوڭىل-كۇيىن ازايتۋ, ءوزىن ءوزى ەمدەۋمەن اينالىسۋ, عىلىمعا قايشىادىستەر مەن قۇرالداردىڭ پايدالانىلۋىنا قاتىستى اقپارات بەرۋدى قامتاماسىز ەتۋ مىندەتى تۇر.
قىسقا ۋاقىت ارالىعىندا ورتالىقتىڭ قىزمەتى كۆي جاعدايىن تۇراقتاندىرۋعا مۇمكىندىك بەرگەن كورىنەدى. مۇنى قازاقستاندىق ارىپتەستەرىنە كومەك كورسەتۋگە الماتىعا رەسەي فەدەراتسياسىنان كەلگەن ساراپتاۋ توبىنىڭ مۇشەلەرى دە اتاپ ءوتتى.
كارديولوگيا جانە ىشكى اۋرۋلار عزي ءباسپاسوز قىزمەتىنڭ مالىمدەۋىنشە, ورتالىق قۇرىلعان ساتىنەن باستاپ, ياعني 7-12 شىلدە ارالىعىندا 100 پاتسيەنت كونسۋلتاتسيا الدى, تاۋلىك بويى 200-دەن استام قوڭىراۋلار قابىلدانعان. ەلىمىزدىڭ باسقا وڭىرلەرىنەن: الماتى, اتىراۋ, جامبىل جانە ت.ب. وبلىستاردان دا تەلەفون شالىپ جاتادى, سونىمەن قاتار قالالار مەن وبلىستاردىڭ جەكە مەديتسينا ۇيىمدارىنىڭ مەديتسينا قىزمەتكەرلەرىنەن وتىنىشتەر كەلىپ تۇسەدى. بارلىق وتىنىشتەر دەر كەزىندە وڭدەلىپ, ولارعا كومەك كورسەتىلەدى.
ماڭىزدى دا, وزەكتى ماسەلەلەر بويىنشا بارلىق دەڭگەيدە ۇنەمى نۇسقاۋلىقتار مەن ترەنينگتەر وتكىزىلەدى. الماتى قالاسىنىڭ اكىمدىگىمەن, قوعامدىق دەنساۋلىق ساقتاۋ باسقارماسىمەن, ەمحانالارمەن, جەدەل مەديتسينالىق كومەك كورسەتۋ ستانتسياسىمەن, ستاتسيونارلارمەن اقپارات الماسۋ قاتىناسىن جاقسارتۋ جۇمىسى جولعا قويىلدى.
قالانىڭ باس ينفەكتسيونيستى, پروفەسسور امانگۇل دۇيسەنوۆا, باس پۋلمونولوگ, پروفەسسور ساۋلە قاسەنوۆا, باس اللەرگولوگ, پروفەسسور تاير نۇرپەيسوۆتىڭ قاتىسۋىمەن "COVID-19 كۇردەلىلىگىنە بايلانىستى امبۋلاتورلىق دەڭگەيدە ەمدەپ قاراۋدىڭ تاكتيكاسى" تاقىرىبىندا ۆەبينار وتكىزىلدى. تۇراقتى تۇردە دۇنيە جۇزىنەن عىلىمي-پراكتيكالىق ىزدەنىستەردىڭ جەتىستىكتەرى مەن ناتيجەلەرى تۋرالى قىسقاشا اقپارات قۇراستىرىلادى.
ورتالىق ماماندارى ەلىمىزدە بولىپ جاتقان وسىنداي قيىن ۋاقىتتا قالا تۇرعىندارىنا كومەك كورسەتۋ ءۇشىن بارلىق كۇش-جىگەرلەرىن سالىپ وتىر. ولاردىڭ كوبىسى كۆي جانە پنەۆمونيامەن اۋىرىپ شىقتى, دەگەنمەن قايتادان قاتارعا قوسىلىپ, وسى ىندەتتى ەمدەۋدىڭ دۇرىس ءتاسىلى ومىرگە قاۋىپتى اسقىنۋلاردىڭ الدىن الاتىندىعىن كورسەتتى.