نۇر-سۇلتانعا تاعى ءبىر جۇك ۇشاعىمەن كوروناۆيرۋس, پنەۆمونيا جانە باسقا دا بىرقاتار اۋرۋلاردى ەمدەۋگە ارنالعان ءدارى-دارمەك كەلدى, دەپ حابارلايدى Egemen.kz
بۇل تاۋارلار گۋمانيتارلىق كومەك ەمەس, ولاردى ءدارىحانا جەلىلەرىنىڭ ديستريبيۋتورلارى ساتىپ العان. ۇكىمەت پەن نۇر-سۇلتان اكىمدىگى لوگيستيكا, ءدارى-دارمەكتەردى ساتىپ الۋ مەن يمپورتتاۋدى جەڭىلدەتۋدە قولداۋ كورسەتۋدە.
سونىمەن قاتار ەلوردا اكىمدىگى ءدارى-دارمەكتەردى ساتىپ الۋ ءۇشىن ديستريبيۋتورلارعا اينالىم قاراجاتىن بولەدى. وسىلايشا, جۇك ۇشاعىمەن ەكىنشى جەتكiزىلىمدە ەلورداعا قوسىمشا 16 توننا ءدارى-دارمەك جەتكىزىلدى. بۇل – 600 مىڭنان استام ءدارى-دارمەك قاپتاماسى. كەلىپ تۇسكەن تاۋارلاردىڭ تىزىمىنە 400-گە جۋىق ءدارى-دارمەك ءتۇرى بار.
مىسالى, كسارەلتو, پاراتسەتامول, وفلوكساتسين, يبۋپروفەن, تسەفترياكسون, كلەكسان, ازيتروميتسين, دەكسامەتازون, مەتيلپرەدنيزولون, نيمەسۋليد, كارديوماگنيل, لەۆوفلوكساتسين, مەترونيدازول, گەپارين, نيمەسۋليد, يبۋفەن جانە ت.ب. ەسكە سالساق, 12 شىلدەدە ەلورداعا 600 مىڭنان استام ءدارى-دارمەك قاپتاماسى جەتكىزىلدى.
قازىر فەنيكس, گيپپوكرات, تسۆەتنايا, ماكسيما فارم, چاستنايا, مەديلاب, سالاۋات, ا-فارما جانە ت.ب. ءىرى ءدارىحانا جەلىلەرىن ءدارى-دارمەكتەرمەن قامتاماسىز ەتۋ بويىنشا جۇمىس جۇرگىزىلۋدە. ەلوردا ءدارىحانالارىنا ءدارى-دارمەكتەردى جەتكىزۋ جۇمىستارى تۇراقتى تۇردە جۇرگىزىلەتىن بولادى.