ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆتىڭ قوزعاعان ماسەلەلەرىنىڭ ىشىندە ەرەكشە اسەر قالدىرعانى – جان-جانۋارلارعا دەگەن قارىم-قاتىناس پەن ولاردى قورعاۋ كەرەكتىگىن باسا ايتقانى.
بۇل راسىمەن ءبىزدىڭ قوعام ءۇشىن تۇيتكىلدى ماسەلە. سەبەبى ازاماتتاردىڭ جان-جانۋارلارعا دەگەن تەرىس ارەكەتتەرىن ءار كەزدە الەۋمەتتىك جەلىدەن كورىپ ءجۇرمىز. سونداي-اق بالالارعا قورشاعان ورتانى قورعاۋ, وعان زيانىن تيگىزبەۋ تۋرالى ەرتە جاستان ايتىپ, تاربيەلەگەن ءجون. وسى ورايدا مەملەكەت باسشىسى ءبىلىم مينيسترلىگىنە الداعى وقۋ جىلىنان باستاپ جاڭا ءپان ەنگىزۋدى تاپسىردى, بۇل دا قۇپتارلىق ءىس. ودان بولەك, باستاۋىش سىنىپتاردا ادام جانە جاھاندىق قۇقىق دەگەن ءپاندى جۇرگىزۋ قاجەت دەگەن پىكىردەمىن. ويتكەنى بالالار ءوزىنىڭ جانە وزگەنىڭ قۇقىقتارىن كىشكەنتايىنان ءبىلىپ ءوسۋى ءتيىس. مەن وسى سالانى زەردەلەپ جۇرگەن مامان رەتىندە قاجەت بولسا, اتالعان ءپاننىڭ باعدارلاماسىن ازىرلەۋگە مينيسترلىككە قولۇشىمدى سوزۋعا دايىنمىن.
حاليدا ءاجىجۇلوۆا,
زاڭگەر