برازيليانىڭ ءباسپاسوز قاۋىمداستىعى كوروناۆيرۋس ينفەكتسياسى تابىلعان ەل پرەزيدەنتى جاير بولسونارۋدى اۋرۋىن بىلە تۇرا تىلشىلەردىڭ الدىنا شىعىپ سۇحبات بەرگەنى ءۇشىن ايىپتاپ, سوتقا شاعىمداندى, - دەپ حابارلايدى Egemen.kz
برازيليا پرەزيدەنتى جاير بولسونارۋ وزىندە كوروناۆيرۋس سيمپتومدارى پايدا بولىپ, كوروناۆيرۋسقا تەست تاپسىرعانىن ايتقان ەدى. بولسونارۋعا تەست ناتيجەسى بويىنشا "Covid-19" دياگنوزى قويىلعان. وسىنى بىلە تۇرا پرەزيدەنت تىلشىلەردىڭ ءومىرى مەن دەنساۋلىعىنا قاۋىپ توندىرگەن. ءوزىنىڭ قاۋىپتى ىندەتتى جۇقتىرعانىن بريفينگتە ءدۇيىم جۇرتقا جاريالادى.
ۇيىمنىڭ رەسمي سايتىندا بولسونارۋ بەتىندەگى ماسكاسىن شەشىپ, الەۋمەتتىك اراقاشىقتىقتى ساقتاماعانى تۋرالى جازىلعان. جۋرناليستەر مەملەكەت باسشىسىن وقشاۋلانۋ تالابىن ورىنداماي, زاڭ بۇزۋشىلىققا باردى دەپ ايىپتاپ وتىر. جەرگىلىكتى زاڭ بويىنشا ايىپتالۋشى باس بوستاندىعىنان ايىرىلۋى مۇمكىن نەمەسە ايىپپۇل تولەيدى.
ايتا كەتەيىك, كەشە برازيليا پرەزيدەنتى كوروناۆيرۋس جۇقتىرۋى مۇمكىن ەكەنى جونىندە حابارلاعان ەدىك.