سۋبسيديا بەرىلەتىن كەيبىر اۋە باعىتتارىنا جاريالانعان قوسىمشا بايقاۋدىڭ قورىتىندىسى شىقتى

كوروناۆيرۋستىق ينفەكتسيا پاندەمياسىنا بايلانىستى نۇر-سۇلتان - توكيو اۋە باعىتى بويىنشا سۋبسيديالاناتىن رەيستەردىڭ ۋاقىتشا توقتاتىلۋىنا بايلانىستى قولدانىستاعى زاڭناماعا سايكەس قاراجاتتىڭ ءبىر بولىگىن ىشكى تۋريستىك باعىتتار بويىنشا رەيستەرگە 385,1 ملن.تەڭگە كولەمىندە قايتا ءبولۋ تۋرالى شەشىم قابىلداندى. وسىعان بايلانىستى ىشكى تۋريستىك باعىتتارعا تاسىمالداۋلار سۇرانىسىن قاناعاتتاندىرۋ ماقساتىندا قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى سۋبسيديالاناتىن نۇر-سۇلتان - بالقاش, نۇر-سۇلتان - ءۇشارال جانە الماتى - جەزقازعان باعىتتارىنا قوسىمشا بايقاۋ وتكىزدى.

بايقاۋعا قاتىسۋ ءۇشىن "SCAT", "Qazaq Air", "يۋجنوە نەبو" جانە "جەزقازعان ەير" اۋە كومپانيالارى ءتيىستى وتىنىمدەر بەردى.

بايقاۋ قورىتىندىسى بويىنشا بارلىق ءۇش اۋە باعىتى بويىنشا "Qazaq Air" اۋە كومپانياسى جەڭىمپاز بولىپ انىقتالدى.  اۋەكومپانيا كەلەسى رەيستەردى ورىندايدى: نۇر-سۇلتان - بالحاش باعىتى بويىنشا اپتاسىنا 4 رەيس جيىلىكپەن ءتاريفى 9000 تەڭگە (رەيستەر سانى اپتاسىنا 10 رەيسكە دەيىن ارتادى), نۇر-سۇلتان - ءۇشارال باعىتى بويىنشا اپتاسىنا 4 رەيس جيىلىكپەن ءتاريفى 16000 تەڭگە (رەيستەر سانى اپتاسىنا 11 رەيسكە دەيىن ارتادى), الماتى-جەزقازعان باعىتى بويىنشا اپتاسىنا 2 رەيس جيىلىكپەن ءتاريفى 20000 تەڭگە (رەيستەر سانى اپتاسىنا 4 رەيسكە دەيىن ارتادى). رەيستەر سىيىمدىلىعى 76 ورىننان 86 ورىنعا دەيىن Bombardier اۋە كەمەلەرىندە ورىندالاتىن بولادى.