الماتى وبلىسىندا سمارتفون كامەراسىنىڭ كومەگىمەن بىرەگەي سەلفي-اۆتوپورترەت جاساۋعا ارەكەت جاساعان كەزدە جازاتايىم وقيعا تىركەلدى, – دەپ حابارلايدى Polisia.kz.
1 شىلدە كۇنى كەشكى ساعات توعىز شاماسىندا الماتى وبلىسى ىلە اۋدانى چاپاەۆ اۋىلىندا 2005 جىلى تۋعان ءجاسوسپىرىم سەلفي – سۋرەت ءتۇسىرىلىمىن جاساۋ ءۇشىن, ءوزىنىڭ ءۇيىنىڭ جانىنداعى كوشەدەگى ەلەكتر باعاناسىنا شىققان. ەلەكتر توعى سوعۋىنىڭ ناتيجەسىندە ول باعانادان جەرگە قۇلاپ, ەكى قولدىڭ 1,2,3,4 دارەجەلى ەلەكترلىك كۇيۋىن, جابىق باس سۇيەك-مي جاراقاتىن, ميدىڭ شايقالۋى, بەتتىڭ, دەنەنىڭ جۇمساق تىندەرىنىڭ كوپتەگەن جارالارى, تومەنگى ەرىننىڭ جانە يەكتىڭ تۇسىنداعى قۇلاتىلعان-جىرتىلعان جارالار, ەكى بىلەكتىڭ سۇيەكتەرىنىڭ سىنۋى, 1-2 دارەجەلى تراۆماتيكالىق شوك العان. ىلە اۋدانىنىڭ اۋرۋحاناسىنا جاتقىزىلعان. دارىگەرلەر جاعدايىن اۋىر دەپ باعالايدى.
الماتى وبلىسى تجد سەلفي ءتۇسۋ كەزىندەگى قاراپايىم قاۋىپسىزدىك ەرەجەلەرىن ەسكەرتەدى:
– اۆتوموبيل جانە تەمىرجول جولدارىنىڭ قاۋىپتى ۋچاسكەلەرىندە, بيىك ۇيلەردىڭ شاتىرلارىندا, سالىنىپ جاتقان نەمەسە قۇرىلىسى اياقتالماعان عيماراتتاردا, ەلەكتر باعانالارىندا جانە باسقا دا ەلەكتر جابدىقتارىندا, جارتاستار مەن جارتاستاردىڭ شەتىندە جانە ءومىر مەن دەنساۋلىققا قاۋىپتى باسقا دا ورىنداردا سەلفي جاساماڭىز;
– قوزعالىستاعى ءاۆتوموبيلدىڭ جانە باسقا كولىكتىڭ تەرەزەسىنەن شىعىپ سەلفي جاساماڭىز;
– جاقىن جەردە ورنالاسقان قاۋىپتى جانۋارلارمەن سەلفي جاساماڭىز;
– اۋدارىلىپ كەتۋى مۇمكىن قايىقتىڭ جانە باسقا دا ءجۇزۋ قۇرالدارىنىڭ شەتىنە تۇرىپ سەلفي جاساماڭىز;
ادام ءوزىن سۋرەتكە تۇسىرۋگە تىرىسقاندا, ونىڭ نازارى شاشىراڭقى, دەنەسى تەپە-تەڭدىگىن جوعالتادى, جان-جاعىنا قارامايدى جانە قاۋىپ-قاتەردى سەزىنبەيدى. ءسىز قاۋىپسىز جەردە جانە ءسىزدىڭ ومىرىڭىزدە ەشقانداي قاۋىپ جوق ەكەنىنە كوز جەتكىزىپ بارىپ قانا سەلفي جاساڭىز!