اقتوبە وبلىسىنىڭ حرومتاۋ اۋدانىندا زاڭسىز قاراسورا ەگىلگەنى انىقتالدى, دەپ حابارلايدى Egemen.kz ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
حرومتاۋ اۋداندىق پوليتسيا ءبولىمىنىڭ قىزمەتكەرلەرى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن بىرلەسە وتىرىپ “قاراسورا-2020″ جەدەل الدىن الۋ ءىس-شاراسىن وتكىزۋ بارىسىندا 53 جاستاعى حرومتاۋ اۋدانىنىڭ تۇرعىنى ءوز ءۇيىنىڭ اۋلاسىندا قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى (قاراسورا) زاڭسىز وسىرەتىنى انىقتادى. پوليتسيا قىزمەتكەرلەرى ءۇي ماڭىنداعى ۋچاسكەدەن 19 ءتۇپ قاراسورا تاركىلەدى. ساراپتاما تاعايىندالدى.
تەرگەۋ ارەكەتتەرى جۇرگىزىلىپ جاتىر. “قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ” قر قك-ءنىڭ 300-بابى 1-ءبولىمى بويىنشا سوتقا دەيىنگى تەرگەۋ باستالدى.
ەسكە سالايىق, قۇرامىندا ەسىرتكى بار وسىمدىكتەردى ءوسىرۋ جانە ەگۋ جانە ەسىرتكىنى تاراتۋ ءۇشىن قىلمىستىق جاۋاپكەرشىلىك قاراستىرىلعان. پوليتسەيلەر تۇرعىنداردى زياندى ادەتتەردەن باس تارتىپ, سالاۋاتتى ءومىر سالتىن ۇستانۋعا شاقىرادى.