ەۋرووداقتاعى جۇمىسسىزدىق سوڭعى 8 ايدا رەكوردتىق دەڭگەيگە جەتتى جانە مامىر ايىنداعى كورسەتكىشكە سايكەس 6,7% قۇرايدى, دەپ حابارلايدى Egemen.kz
پاندەميانىڭ بەلەڭ الۋى ەر ادامدار مەن ايەل قاۋىمىنا ايتارلىقتاي اسەر ەتتى. ايەلدەر اراسىنداعى جۇمىسسىزدىق ءساۋىر ايىندا 6,9%-دان 7,2%-عا دەيىن ءوستى. ال ەرلەر اراسىندا جاعداي بىرقالىپتى.
حالىقارالىق ەڭبەك ۇيىمىندا بۇل ءۇردىس كەلەسىدەي تۇسىندىرىلەدى:
"نەگىزىندە ورتا جانە شاعىن كاسىپكەرلىكتىڭ كوپشىلىگىن ايەل زاتى باسقارعاندىقتان, ىندەتتىڭ زالالى كوبىنەسە وسى سەكتورلاردى قامتىدى. سەبەبى ۇيدە قىزمەت كورسەتۋ سالاسىنىڭ, دەنساۋلىق ساقتاۋ, الەۋمەتتىك قامسىزداندىرۋدىڭ باسىم بولىگىن نازىك جاندىلار اتقاراتىن. وسىلايشا, ءبىز سوڭعى جىلدارى قول جەتكىزگەن گەندەرلىك تەڭدىك سالاسىنداعى جەتىستىكتەرىمىزدى جوعالتامىز", دەيدى حەۇ باس ديرەكتورى گاي رايدەر.
ەوب بولجامى بويىنشا, وسى جىلدىڭ ءۇشىنشى توقسانىندا ەۋروايماقتاعى جۇمىسسىزدىق دەڭگەيى 10%-دان اسۋى مۇمكىن. شەكتەۋ شارالارىنىڭ السىرەۋى باستالعاننان بەرى ونداعان ەۋروپالىق كومپانيالار جۇمىس ورىندارىنىڭ جاپپاي قىسقارعانى تۋرالى مالىمدەدى.