سينوپتيكتەر اتىراۋ وبلىسىندا ەسكەرتۋ جاريالادى, دەپ حابارلايدى Egemen.kz "قازگيدرومەت" رمك ءباسپاسوز قىزمەتىنە سىلتەمە جاساپ.
اقمولا وبلىسىنىڭ بىرقاتار اۋماعىندا جەل كۇشەيىپ, جەلدىڭ جىلدامدىعى سەكۋندىنا 15-20 مەترگە جەتەدى, بۇرشاق جاۋى ىقتيمال. قوستاناي وبلىسىندا تۇندە جانە تاڭ اتا تۇمان ءتۇسىپ, كۇندىز جەل سەكۋندىنا 15-20 مەتر جىلدامدىقپەن ۇيتقيدى. سولتۇستىك قازاقستان وبلىسىنىڭ كەي جەرىندە بۇرشاق جاۋادى. پاۆلودار وبلىسىنىڭ كەي جەرىندە جەل سەكۋندىنا 15-20 مەتر جىلدامدىقپەن ۇيتقىپ, كۇندىز بۇرشاق جاۋى ىقتيمال. قاراعاندى, شىعىس قازاقستان وبلىستارىندا جەل كۇشەيىپ, بۇرشاق جاۋادى, جەلدىڭ جىلدامدىعى سەكۋندىنا 15-20 مەترگە, ەكپىنى 25 مەترگە جەتەدى. جامبىل, تۇركىستان, الماتى, قىزىلوردا وبلىستارىندا جەل كۇشەيىپ, جىلدامدىعى سەكۋندىنا 15-20 مەترگە جەتەدى. باتىس قازاقستان وبلىسىندا بۇرشاق جاۋى مۇمكىن, تۇندە جەل كۇشەيىپ, جىلدامدىعى سەكۋندىنا 15-20 مەترگە جەتەدى. اتىراۋ, باتىس قازاقستان وبلىستارىنىڭ كەي جەرىندە اپتاپ ىستىق بولادى. تۇركىستان, قىزىلوردا, جامبىل وبلىستارى مەن الماتى, قاراعاندى وبلىستارىنىڭ كەي جەرىندە, اقتوبە وبلىسىنىڭ وڭتۇستىك بولىگىندە, اتىراۋ وبلىسىنىڭ باتىسىندا ەرەكشە ءورت قاۋپى ساقتالادى.