مەملەكەت باسشىسىنىڭ تاپسىرماسىنا سايكەس قالا اكىمدىگى COVID-19 ينفەكتسياسىن جۇقتىرعان ناۋقاستاردى ەمدەۋگە ارنالعان توسەك-ورىنداردى كەڭەيتۋ بويىنشا جۇيەلى نەگىزدە جۇمىستار جۇرگىزىپ جاتىر. رامادا پلازا عيماراتىندا قوسىمشا 500 ورىن اشىلادى. ءبىرىنشى شىلدەدە 250 ورىن اشىلدى. بۇل تۋرالى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ حابارلايدى.
وتكەن اپتادا 800-دەن استام توسەك-ورىن اشىلدى. 600 ورىندىق №1 كوپسالالى قالالىق اۋرۋحانا تولىعىمەن جۇقپالى اۋرۋلار ستاتسيونارىنا اۋىستىرىلدى. سونىمەن بىرگە ۇلتتىق عىلىمي مەديتسينالىق ورتالىق, قورعانىس مينيسترلىگىنىڭ گوسپيتالى جانە ۇوس كلينيكالىق گوسپيتالى بازاسىندا توسەك-ورىندار قۇرىلدى.
وكپەنى جاساندى جەلدەتۋ اپپاراتتارىن, كومپيۋتەرلىك توموگرافيا, وتتەگى كونتسەنتراتورلارىن, پتر-تەستىلەردى, ءدارى-دارمەكتەردى جانە ت. ب. ساتىپ الۋ بويىنشا جۇمىستار اتقارىلىپ جاتىر.