الماتىداعى كارديولوگيا جانە ىشكى اۋرۋلار عزي قۇرىلعالى, ياعني 1977 جىلدان بەرى دەنساۋلىق ساقتاۋ سالاسىنىڭ عىلىمي جانە پراكتيكالىق كادرلارىن دايارلاپ كەلەدى, - دەپ حابارلايدى Egemen.kz.
وسى ۋاقىتتا ءتۇرلى ماماندىقتاعى 20 مىڭنان استام دارىگەر بىلىكتىلىگىن ارتتىردى جانە قايتا دايارلىقتان ءوتتى. ينستيتۋتتىڭ ءبىلىم بەرۋ ساپاسىن قامتاماسىز ەتۋ بويىنشا تاۋەلسىز قازاقستاندىق اگەنتتىگىنىڭ (IQAA) حالىقارالىق ينستيتۋتسيونالدىق اككرەديتتەۋى جانە كارديولوگيا, گاستروەنتەرولوگيا, ەندوكرينولوگيا, يممۋنولوگيا, انەستەزيولوگيا جانە رەانيماتسيا, پۋلمونولوگيا, رەۆماتولوگيا سياقتى ماماندىقتار بويىنشا رەزيدەنتۋرانىڭ بازالىق ءبىلىم بەرۋ باعدارلاماسىنىڭ مامانداندىرىلعان اككرەديتتەۋى بار.
مەديتسينا عىلىمىنىڭ دوكتورى, پروفەسسور ساۋلە قاسەنوۆا باسقاراتىن جوعارى وقۋ ورنىنان كەيىنگى جانە قوسىمشا ءبىلىم بەرۋ دەپارتامەنتى وقۋ بارىسىنداعى عىلىم, كلينيكا جانە ءبىلىم بەرۋ ءۇش تۇعىرلىلىعى حالىقارالىق قاعيدالارىن ورىنداي وتىرىپ, رەزيدەنتتەردى دايارلاۋ جانە دارىگەرلەردى قايتا دايارلاۋمەن اينالىسادى. كافەدرالاردى بەلگىلى عالىمدار مەن كلينيتسيستەر: قازاقستاننىڭ شتاتتان تىس باس اللەرگولوگى,پروف. تاير نۇرپەيىسوۆ, شتاتتان تىس باس گاستروەنتەرولوگى, پروفەسسور الەكساندر نەرسەسوۆ, دوتسەنتتەر - كارديولوگ ايسۇلۋ مۇساعاليەۆا مەن ەندوكرينولوگ لاۋرا دانياروۆا باسقارادى. دەپارتامەنتتىڭپروفەسسورلىق-وقىتۋشىلار قۇرامىندا تەك قانا مەديتسينا عىلىمدارىنىڭ دوكتورلارى مەن كانديداتتارى, اسسوتسياتسيالانعان پروفەسسورلار عانا ەمەس, سونداي-اق جوعارى ساناتتى دارىگەرلەر, ءوز ءىسىنىڭ ناعىز كاسىپقوي ماماندارى بار. رەزيدەنتتەر مەن دارىگەرلەردىڭ پراكتيكالىق داعدىلارىن مەڭگەرۋ ءۇشىن كىاعزي 3 سيمۋلياتسيا ورتالىعى (جۇرەك-وكپە رەانيماتسياسى, ينتەرۆەنتسيالىق كارديولوگيا جانە اريتمولوگيا, گيبريدتى زەرتحانا) قىزمەت جاسايدى.
دەپارتامەنتتىڭ باسىم مىندەتتەرىنىڭ ءبىرى – رەزيدەنتۋرا بىتىرۋشىلەرىن پراكتيكالىق دەنساۋلىق ساقتاۋ سالاسىنا جۇمىسقا ورنالاستىرۋ. وسى باعىتتا كادرلارعا مۇقتاج وڭىرلىك مەملەكەتتىك مەديتسينالىق ۇيىمدارمەن جۇمىس جۇرگىزىلۋدە. دەپارتامەنت قىزمەتكەرلەرى مەديتسينالىق ۇيىمداردىڭ ولارعا باراتىن ماماندار ءۇشىن كەپىلدەندىرىلگەن الەۋمەتتىك پاكەت (تۇرعىن ءۇي ماسەلەسىن شەشۋ, ولاردىڭ بالالارىن بالاباقشامەن قامتاماسىز ەتۋ جانە ت.ب.) ۇسىنۋدا تىعىز بايلانىستا جۇمىس جۇرگىزەدى. دەنساۋلىق ساقتاۋ مينيسترلىگىنىڭ, جەرگىلىكتى اتقارۋشى ورگانداردىڭ, حالىقتى جۇمىسپەن قامتۋ قىزمەتىنىڭ قولداۋىمەن 2019-2020 جىلدارى ينستيتۋت بەيىندى ماماندارعا مۇقتاج وڭىرلەردە رەزيدەنتتەردىڭ 100%-نىڭ جۇمىسقا ورنالاسۋىناقول جەتكىزدى.
رەزيدەنتۋرا بىتىرۋشىلەرىنىڭ قورىتىندى مەملەكەتتىك اتتەستاتتاۋدان ءوتۋ ناتيجەلەرى ولاردىڭ ءبىلىم دەڭگەيىنىڭ جوعارى ەكەندىگىن كورسەتەدى.
"دارىگەرگە ادام ءۇشىن ەڭ باعالى – ءومىرى مەن دەنساۋلىعىن سەنىپ وتىرعاندىقتان, ادامنىڭ جامان دارىگەر بولۋعا قۇقىعى جوق» قاعيداسىن بەرىك ۇستانامىز. وسىعان بايلانىستى, رەزيدەنتتەر مەن دارىگەرلەردىڭ كارديولوگيا جانە ىشكى اۋرۋلار عزي العان ءبىلىمى بۇگىنگى كۇنگىتالاپتارعا سايكەس كەلەتىندىگى جانە ولاردىڭ تاڭداعان ماماندىقتارى بويىنشا تابىستى ەڭبەك ەتۋلەرىنە مۇمكىندىك بەرەتىندىگىن سەنىممەن ايتا الامىن", – دەيدى جوعارى وقۋ ورنىنان كەيىنگى جانە قوسىمشا ءبىلىم بەرۋ دەپارتامەنتىنىڭ باسشىسى ساۋلە قاسەنوۆا.
الماتى