اتىراۋدىڭ جىلىوي اۋدانىنا جاڭا اكىم كەلدى

حالەل جامال ۇلى  1962 جىلى 15 تامىزدا اتىراۋ وبلىسى, جىلىوي اۋدانى, قۇلسارى قالاسىندا دۇنيەگە كەلگەن. ءبىلىمى جوعارى,  1985 جىلى الماتىداعى ۆ.لەنين اتىنداعى قازاق پوليتەحنيكالىق ينستيتۋتىن  بىتىرگەن. ماماندىعى – ينجەنەر-مەحانيك.

ەڭبەك جولىن 1985 جىلى وڭتۇستىك-ەمبى مۇناي بارلاۋ ەكپەديتسياسىندا ديزەليست بولىپ باستاپ, 1985-1989 جىلدارى اتالعان ەكپەديتسيادا ماشينيست, مەحانيك بولىپ جۇمىس ىستەدى. 1989-1991 جىلدارى "تەڭىزمۇنايگاز" وندىرىستىك بىرلەستىگىنىڭ تەڭىز تەحنولوگيالىق كولىك باسقارماسىندا متق ءبولىمىنىڭ جەتەكشى ينجەنەرى, ءبولىم باسشىسى, باس ينجەنەر لاۋازىمدارىن اتقاردى.

1991-1999 جىلدارى ارالىعىندا كوممەرتسيالىق كاسىپورىن باسشىسى, ءبولىم باسشىسى, ماركەتينگ ءبولىمىنىڭ باس مەنەدجەرى  بولدى. 2000-2002 جىلدارى "گوريزونت" جاۋاپكەرشىلىگى شەكتەۋلى سەرىكتەستىگىنىڭ باس مەنەدجەرى, 2002-2004 جىلدارى «بۇرعىلاۋ» جاۋاپكەرشىلىگى شەكتەۋلى سەرىكتەستىگى ديرەكتورىنىڭ ورىنباسارى بولىپ جۇمىس ىستەگدى.

2005 جىلدىڭ قاڭتارىنان بەرى  "گوريزونت" جشس باس مەنەدجەرى. جىلىوي اۋداندىق ءماسليحاتىنىڭ 4, 5, 6 شاقىرىلىمدارىنا  دەپۋتات بولىپ سايلاندى.

ءوڭىر باسشىسى ماحامبەت دوسمۇحامبەتوۆ جىلىوي اۋدانى اكىمىنە  اۋداننىڭ  الەۋمەتتىك-ەكونوميكالىق دامۋىن جەدەلدەتۋ, جۇمىسپەن قامتۋ, تۇرعىن ءۇي, سۋمەن قامتاماسىز ەتۋ, الەۋمەتتىك نىساندار سالۋ, قوعامدىق قاۋىپسىزدىكتى ساقتاۋ جونىندە ناقتى تاپسىرمالار جۇكتەدى.