TikTok الەۋمەتتىك جەلىسى اككاۋنت يەلەرىن اڭدۋى مۇمكىن بە؟ Bangorlol نيكتى Reddit اتتى پايدالانۋشى قىتايلىق وسى پروگراممانى بىرقاتار مالىمەت جيناۋمەن اينالىسادى دەپ وتىر, - دەپ حابارلايدى Egemen.kz.
اتالعان الەۋمەتتىك جەلىنى پايدالاناتىن ءار ادامنىڭ ۇستاپ جۇرگەن گادجەتىنىڭ پارامەترلەرىن, ياعني پروتسەسسور ماركاسى, ديسپلەي ولشەمى, ديسكىلىك كەڭىستىك جانە يدەنتيفيكاتورلار سياقتى اقپاراتتى جيناۋمەن اينالىسادى دەگەن كۇدىك كەلتىرىلگەن.
قازىر بۇل اقپارات عالامتوردا وتە بەلسەندى تالقىلانىپ جاتىر. كەيبىر پايدالانۋشىلار TikTok الەۋمەتتىك جەلىسىنە رەۆەرس-ينجينيرينگ جاساپ, جەكە مالىمەتتەردىڭ قولدى بولۋى تۋرالى ايتىپ وتىر. مالىمەتتەردى جيناۋ نەمەسە ۇرلاۋ وسى الەۋمەتتىك جەلى فورماتىنا ادەمى جاسىرىلعان دەگەن ويلار اتىلۋدا. اپپاراتتىق مالىمەتتەردەن بولەك پايدالانۋشىنىڭ باسقاي قانداي قولدانبالار ورناتقانى جانە سونىمەن قاتار ينتەرنەتكە بايلانىستى Wi-Fi, جەكە IP جانە سمارتفوننىڭ mac-ادرەستەرى, ودان قالدى 30 سەكۋند سايىن GPS پەن دجەيلبرەيك تۋرالى دا اقپاراتتار جينالۋى مۇمكىن دەگەن پىكىرلەر ايتىلعان.
جالپى العاندا, «قازانشىنىڭ ءوز ەركى, قايدان قۇلاق شىعارسا» دەگەن پايىمدى ۇمىتپاساق, كەز كەلگەن پروگرامما مەن قولدانبا جاساپ شىعارۋشىلار ءوز ءونىمىن قانداي ماقساتقا پايدالاناتىن وزدەرى بىلەدى. سول سەبەپتى دە ءاردايىم ساقتىقپەن جۇرگەنىمىز دە ءجون بولادى.