قىزىلوردا وبلىسىندا وسى جىلدىڭ 1 ماۋسىمى مەن 30 قازانى ارالىعىندا جوسپارلانعان "قاراسورا-2020" رەسپۋبليكالىق ارنايى جەدەل-پروفيلاكتيكالىق ءىس-شاراسى ءوتىپ جاتىر, دەپ جازادى Egemen.kz
شارا ماقساتى ەسىرتكى زاتى بار وسىمدىكتەردى ءوسىپ-باپتاۋدىڭ الدىن الۋ, گەروين تاسىمالىن جويۋ, سونداي-اق ەسىرتكى, ونىڭ ىشىندە جاڭا تۇرلەرىن تاراتۋمەن اينالىساتىن ۇيىمداسقان قىلمىستىق توپتار قىزمەتىنە توسقاۋىل قويۋعا باعىتتالعان.
وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى بەكتورە سۇلتان شاراعا ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى, "بۇركىت" ارنايى جاساعى, كريمينالدىق پوليتسيا, جەرگىلىكتى پوليتسيا قىزمەتى, كينولوگيالىق قىزمەت ورتالىعى ماماندارى جۇمىلدىرىلعانىن اتاپ ءوتتى.
اي باسىنان بەرى ەسىرتكى قۇقىق بۇزۋشىلىعىنىڭ 64 دەرەگى انىقتالدى. ەسىرتكى وسىرگەنى ءۇشىن 32 تۇرعىن ۇستالسا, ونىڭ 10-ى قاماققا الىندى.