الماتى قالاسىنىڭ اكىمى باقىتجان ساعىنتاەۆتىڭ تاپسىرماسىمەن كوروناۆيرۋس ينفەكتسياسىنىڭ تارالۋىن بولدىرماۋ جونىندەگى كوميسسيا قالاداعى ەپيدەميولوگيالىق جاعدايدى تۇراقتاندىرۋ بويىنشا قوسىمشا شارالاردى قابىلدادى, - دەپ حابارلايدى Egemen.kz.
الماتى قالاسىندا قوسىمشا كارانتيندىك شەكتەۋ شارالارى 27 ماۋسىم ساعات 00.00-دەن باستاپ, 29 ماۋسىم cاعات 00.00-گە دەيىن كۇشىنە ەنەدى.
قابىلدانعان شەشىمگە سايكەس كورسەتىلگەن كەزەڭدە كوروناۆيرۋستىق ينفەكتسيانىڭ تارالۋ قاۋپى جوعارى جابىق وبەكتىلەردىڭ قىزمەتى توقتاتىلاتىن بولادى:- ءىرى ساۋدا جەلىلەرى (ازىق ت ۇلىك, ازىق ت ۇلىك ەمەس), ۇيدەگى دۇكەندەر تۇرىندەگى فيليالدارىن قوسپاعانداجابىق بازارلار (ازىق-ت ۇلىكتىك, ازىق-ت ۇلىكتىك ەمەس, امبەباپ), ساۋدا-ويىن-ساۋىق ورتالىقتارى, ساۋدا ورتالىقتارى, ساۋدا ۇيلەرى;- قوعامدىق تاماقتانۋ نىساندارى, كوشەدەگى فورماتتاعى اشىق اۋاداعى نىسانداردى قوسپاعاندا, الەۋمەتتىك قاشىقتىقتى جانە سانيتارلىق-ەپيدەميولوگيالىق نورمالاردى ساقتاي وتىرىپ;- فيتنەس-ورتالىقتار.
بازارلار ءوز قىزمەتىن 2020 جىلدىڭ 29 ماۋسىمى (دۇيسەنبى كۇنى) قايتا جالعاستىرا الادى. اشىق دالاداعى كوشە فورماتىندا الەۋمەتتىك قاشىقتىقتى جانە سانيتارلىق-ەپيدەميولوگيالىق نورمالاردى ساقتاعان جاعدايدى قوعامدىق تاماقتانۋ ورىندارىنىڭ قىزمەتىنە رۇقسات ەتىلگەن. قوعامدىق كولىكتەر دە وسى دەمالىستا ءوز قىزمەتىن توقتاتادى.
اتاپ وتەتىن جايت, جوعارىدا اتالعان نىسانداردا سانيتارلىق-پروفيلاكتيكالىق جانە سانيتارلىق-ەپيدەميولوگيالىق شارالار جۇرگىزىلەدى.
قوسىمشا شەكتەۋ شارالارىنا بايلانىستى ازاماتتارعا قالا بويىنشا قوزعالىستى شەكتەۋ ۇسىنىلىپ وتىر. تاۋەكەل توبىنا كىرەتىن ادامدارعا, اسىرەسە ەگدە ادامدارعا ۇيدە قالۋ ۇسىنىلادى.
ەپيدەمياعا قارسى شارالاردى بۇزعانى ءۇشىن جەكە جاۋاپكەرشىلىككە تارتۋ قاراستىرىلعان. پوليتسيا قىزمەتكەرلەرى تاراپىنان ادامدار كوپ جينالاتىن ورىنداردا ەنگىزىلگەن شەكتەۋلەردى ساقتاۋ بويىنشا پاترۋلدەۋ كۇشەيتىلەدى.
سۇراقتار تۋىنداعان جاعدايدا, ازاماتتار 1308 ءنومىرى بويىنشا Open Almaty قوعامدىق قابىلداۋىنا جۇگىنە الادى.