وڭىردە اۋىل شارۋشىلىعى تەحنيكاسىنا دەگەن سۇرانىس قاشان دا جوعارى. قاجەتتى كومبايندار شەت ەلدەردەن ساتىپ الىنادى. ەندى وسى ولقىلىقتى كوكشەتاۋ كومبايندارى باسپاق, دەپ حابارلايدى Egemen.kz
ۇتىمدىسى, وتاندىق ءوندىرىس داميدى, باعا قولجەتىمدى بولماق, اۆتوبولشەكتەردى دە جەرگىلىكتى جەردەن تابۋعا ابدەن بولادى.
ء"بىز كومباين قۇراستىرۋدى باستاماقپىز. بۇل ءوزىمىز وندىرەتىن جاڭا تەحنيكا بولماق. اسىرەسە كومباينعا سۇرانىس كوپ. ەندى كومبايندار سىرتتان اكەلىنبەيدى. ءوز ەلىمىزدە قۇراستىرىلادى", دەيدى دايىنداۋ ءبولىمىنىڭ شەبەرى ازات شەگىروۆ.
ساندىق باعدارلاما ارقىلى باسقارىلاتىن ستانوك قازاقستاندا ەندى دامىپ كەلەدى. كوكشەتاۋدا ونىڭ ءتىلىن بىلەتىندەر از. سولاردىڭ ءبىرى ساندىق باعدارلامالىق باسقارۋ وپەراتورى نايل بوگاپوۆ. ول سونداي-اق كومپيۋتەردە 3D ۇلگىلەردى جاسايدى, ولاردى جۇيەگە قوسادى.
"مەن مۇندا ماشينا قۇرىلىسى كەلەشەگى بار سالا بولعاندىقتان كەلدىم. وسى جەردە كومپانيا قۇرىلعاننان باستاپ جۇمىس ىستەيمىن. اۋىل شارۋاشىلىعى تەحنيكاسىنا قاجەتتى بارلىق بولشەكتەردى مەڭگەرىپ الدىم", دەيدى ساندىق باعدارلامالىق باسقارۋ وپەراتورى نايل بوگاپوۆ.
كومپانيا باسشىلىعى يگەرىم ۇلەسىن كوبەيتۋدى كوزدەيدى. مىسالى, "متز" تراكتورىنا جيناقتاۋشى جابدىقتارى دايىن تۇردە كەلەدى. كوكشەتاۋداعى زاۋىت تەك ونى قۇراستىرۋعا عانا جاۋاپتى. ال جاقىن ارادا كاسىپورىن استىق كومبايندارىن تولىعىمەن وزدەرى شىعارماق.