قۇسمۇرىندا تۇراتىن ەرلى-زايىپتىلار اۋىل شەتىندەگى ەسكى قابىرلەردىڭ قورشاۋى مەن قۇيىلعان ق ۇلىپتاسىن قيراتىپ, ىشىندەگى ارماتۋراسىن مەتالل قابىلداۋ ورىندارىنا وتكىزۋمەن اينالىسىپ كەلگەن. بەيبىت جاتقان بەيىتتىڭ شىرقىن بۇزىپ, ارۋاقتاردى قورلاعان سەرگەي مەن يرينا جيىرمادان استام قابىردى قيراتىپتى. بىراق قاسكۇنەمدەر وزدەرىنە تاعىلعان ايىپتى تولىق مويىنداپ وتىرعان جوق, - دەپ حابارلايدى Egemen.kz.
وتكەن عاسىردىڭ 40-50 جىلدارى قويىلعان قابىر ەسكەرتكىشىن توناپ جاتقان ەرلى-زايىپتى ۆوۆچەنكولاردى جەرگىلىكتى تۇرعىندار ۇستاپ الىپتى. قورىمنىڭ بۇل بۇرىشىندا سوعىس جىلدارى قۇسمۇرىنعا جەر اۋدارىلعان شەشەن حالقىنىڭ وكىلدەرى قويىلعان. بۇگىندە ولاردىڭ ۇرپاقتارىنىڭ قايدا ەكەنى بەلگىسىز. قىلمىستىق ىسكە جابىرلەنۋشى تاراپتىڭ وكىلى رەتىندە جەرگىلىكتى كاسىپكەر ءالي گۋچيەۆ قاتىسىپ جاتىر. "مەنىڭ تۋىستارىمنىڭ دا قابىرىن توناپ كەتىپتى. قيراعان قابىرلەردىڭ ىشىندە ءار ءتۇرلى ۇلت وكىلدەرى بار. ءبىز ايىپتالۋشىلارمەن دە سويلەسىپ كوردىك. ەكەۋى دە وسى اۋىلدا تۇرادى, جۇمىس ىستەمەيدى, ىشكىلىككە سالىنعان ادامدار. سەرگەي سوتتالىپ كەلگەن. ءبىز ودان: "قابىر قيراتىپ جاتقاندا ءسال دە بولسا ۇياتتارىڭ مازالامادى ما؟" - دەپ سۇراعانىمىزدا, "باسىندا ەشتەڭە سەزىنگەن جوقپىن, ارتىنان ۇياتىم ويانا باستادى. ال يرينا ۇنەمى قۋىستانىپ, ۇيالىپ ءجۇردى" دەگەن جاۋاپ الدىق", - دەدى كاسىپكەر. ەرلى-زايىپتىلار نەبارى 6 قابىردى قيراتقاندارىن مويىنداپ وتىر. ال قاسكويلەردىڭ ۇستىنەن تۇسكەن شاعىم ودان ءۇش ەسە كوپ.
ءالي گۋچيەۆ تونالعان قابىرلەردى ءوز قارجىسىنا قايتا قالپىنا كەلتىرمەك.
ال ارۋاقتاردى قورلاپ, قابىرگە قول سۇققان قاراقشىلاردى قاتاڭ جازا كۇتىپ تۇر. "اتالمىش وقيعا بويىنشا اۋليەكول اۋداندىق پوليتسيا بولىمىندە قر قك 314 بابىنىڭ 1 ءبولىمى بويىنشا تەرگەۋ جۇمىستارى باستالدى. كۇدىكتىلەردى ايىپپۇل نەمەسە 3 جىلعا دەيىن باس بوستاندىعىنان ايىرۋ جازاسى كۇتىپ تۇر. تەرگەۋ اياقتالعان سوڭ, ءىس پروكۋراتۋراعا جىبەرىلەدى", - دەدى وبلىستىق پوليتسيا دەپارتامەنتىنىڭ ءباسپاسوز حاتشىسى يرينا بەجەنار.
قوستاناي وبلىسى
اۋليەكول اۋدانى
قۇسمۇرىن اۋىلى