اققۋلى اۋدانىنىڭ جامبىل جالپى ورتا ءبىلىم بەرەتىن مەكتەبىندە IQanat رەسپۋبليكالىق وليمپياداسىنىڭ ەكىنشى ىرىكتەۋ تۋرىنا اۋدان مەكتەپتەرىنەن 10 بالا قاتىسقان, دەپ حابارلايدى pavlodarnews.kz ءتىلشىسى.
اۋدان اكىمىنىڭ ءباسپاسوز حاتشىسى امانجول ەرەن ۇلىنىڭ ايتۋىنشا, وقۋشىلار ونلاين فورماتتا ەسسە جازىپ, فيزيكا, ماتەماتيكا, اعىلشىن تىلىنەن جەكە تاپسىرمالار ورىنداعان. ناتيجەسىندە ەكىنشى ىرىكتەۋ تۋرىنىڭ قورىتىندىسى بويىنشا جوعارى ناتيجە كورسەتكەن 3 وقۋشى رەسپۋبليكالىق كەزەڭگە جولداما الادى.
"شاراعا نۇر-سۇلتان قالاسىنان "IQanat ءبىلىم قورى" قوعامدىق قورىنىڭ ديرەكتورى ايجان سادىقوۆا ارنايى قاتىسىپ, وقۋشىلارعا ساتتىلىك تىلەدى, - دەيدى امانجول ەرەن ۇلى. - ءبىرىنشى كەزەڭنىڭ جەڭىمپازى دەپ تانىلعان جانە ەكىنشى كەزەڭگە قاتىسۋشى وقۋشىلارعا سەرتيفيكاتتار مەن سىيلىقتارىن تابىس ەتتى. سونىمەن قاتار بىلتىرعى جىلعى قاتىسۋشىلارىنان پاۆلودار وبلىسىنان جوعارى كورسەتكىش كورسەتكەن 5 وقۋشى رەسمي ۆولونتەر اتاندى. بۇل 5 وقۋشىنىڭ ىشىنەن 2 وقۋشى - ءبىزدىڭ اۋدانىمىزدان اققۋلى جالپى ورتا ءبىلىم بەرەتىن مەكتەبىنىڭ 10-سىنىپ وقۋشىلارى ديلناز ۆاليحانوۆا بەن انەل حاميت. ولارعا "IQanat ءبىلىم قورى" قوعامدىق قورىنىڭ ديرەكتورى ۆولونتەر كىتاپشاسىن تابىس ەتتى.
ايتا كەتەرلىگى, IQanat وليمپياداسى اۋىل مەكتەپتەرىنىڭ 9-سىنىپ وقۋشىلارىنا ارنالعان رەسپۋبليكالىق باعدارلاماسى – قازاقستاندىق مەتسەناتتاردىڭ ءبىلىم بەرۋ سالاسىنداعى جوباسى. باعدارلامانىڭ ماقساتى – اۋىل مەكتەپتەرىنىڭ وقۋشىلارىن ۇلتتىق جانە شەتەل ۋنيۆەرسيتەتتەرىنە تۇسۋلەرى ءۇشىن قولداۋ, ىنتالاندىرۋ.