كوميسسيا تەكسەرىسى بويىنشا ەلوردادا كوپشىلىك سۋعا شومىلاتىن 23 ورىن انىقتالعان. ولاردىڭ ۇشەۋى رۇقسات ەتىلگەن: ورتالىق جاعاجاي, "تري پەسكاريا" جانە "ستوليچنىي دۆور" دەمالىس ايماقتارى, 20-سى تىيىم سالىنعان ورىندار, - دەپ جازادى نۇر-سۇلتان اكىمدىگىنىڭ رەسمي سايتى.
"قالانىڭ ءتورت اۋدانىندا تەگىن كوممۋنالدىق جاعاجايلار اشۋ قولعا الىندى. ولار: الماتى-3, بايقوڭىر-1, ەسىل-3, سارىارقا-3 اۋداندارى", دەپ اتاپ ءوتتى تجد ءباسپاسوز قىزمەتى.
9 مامىردان باستاپ 141 تىيىم سالۋ بەلگىسى مەن 20 اقپاراتتىق ستەند ورناتىلعان, 20 قالقىما بەلگىلەر دە قويىلعان, 14 قايىق جانە سۇڭگۋىرلەر كۇندەلىكتى كەزەكشىلىك ەتەدى.
ىشكى ىستەر ورگاندارىنىڭ قىزمەتكەرلەرى مەن ۆولونتەرلەر بىرىگىپ 155 رەيد جۇرگىزدى. سۋدا ەرەجەلەردى بۇزعانى ءۇشىن 64 ادام اكىمشىلىك جاۋاپكەرشىلىككە تارتىلدى. قالا مەكتەپتەرىنىڭ 3 250 وقۋشىسىنا ارنايى التى ينتەراكتيۆتى ساباق وتكىزىلدى.
كۇن سايىن رەيدتىك شارالارعا بارلىق 23 ۋچاسكە بويىنشا تەكسەرەتىن جەكە قۇرامداعى (تجد, دپ, مگ, ۆولونتەرلەر) 80 ادام قاتىسادى. 1 ماۋسىمدا قالا اكۆاتورياسىندا ءۇش ادام قازا بولدى. ەكى ادام قۇتقارىلدى.
"سۋعا شومىلۋ كەزەڭىندە ازاماتتىق قورعاۋ ورگاندارىنىڭ جەكە قۇرامى كۇشەيتىلگەن قارقىندا قىزمەت اتقارۋدا. سونىمەن قاتار كارانتين كەزەڭىندە سانيتارلىق نورمالاردى ەسەپكە الا وتىرىپ, جاپپاي سۋعا ءتۇسۋ ورىندارىنا بارۋ نۇسقاۋلىعى بەكىتىلدى. سونداي-اق سۋداعى قاۋىپسىزدىك ەرەجەلەرى بويىنشا تەلە جانە راديودا اقپارات بەرىلۋدە. بۇل جۇمىس كۇشەيتىلگەن رەجيمدە جۇرگىزىلەدى جانە ول سۋداعى وقىس وقيعالاردى ازايتۋعا سەپتىگىن تيگىزەدى", دەدى باسقارما.