ۇلتتىق بىرىڭعاي تەستىلەۋ باستالعالى 21-24 ماۋسىم ارالىعىندا 1114 مەكتەپ ءبىتىرۋشى سىناق تاپسىرىپ ۇلگەردى. بيىلعى تەستىلەۋدىڭ قاتاڭ تالاپتارىنا قاراماستان, تسيفرلىق قۇرالداردى ەنگىزبەكشى بولعان 20-عا جۋىق تالاپكەر اۋديتوريادان قۋىلدى, - دەپ حابارلايدى Egemen.kz.
العاشقى كۇنى ەسىل, ستەپنوگورسك قالالارىنداعى پۋنكتتەردە 185 وقۋشى تەست تاپسىردى. ماۋسىمنىڭ 22-23-ءى كۇندەرى اقكول, اتباسار, ەسىل, ەرەيمەنتاۋ, ستەپنوگورسك قالالارىندا 383 تۇلەك سىناق تاپسىرۋى ءتيىس بولاتىن. الايدا, بەلگىسىز سەبەپتەرمەن تەك قانا 366 تالاپكەر عانا پۋنكتكە كەلگەن, ياعني 15 بالا كەلمەگەن. ارينە, بۇل ولاردىڭ ءوز قۇقىقتارى. وسى كۇندەرى دە ۇيالى تەلەفون الىپ كىرمەكشى بولعان وقۋشىلار اۋديتورياعا جىبەرىلمەگەن نەمەسە سىناق بارىسىندا تەلەفون پايدالانباقشى بولعاندارى زالدان شىعارىلدى.
اتباسار, ەرەيمەنتاۋ قالالارىندا وتكەن تەستىلەۋگە 240 تالاپكەر قاتىسۋ كەرەك بولاتىن, الايدا, جەتەۋى كەلمەي قالدى.
ء"تورت كۇن ىشىندە 1114 وقۋشى ۇلتتىق بىرىڭعاي تەستىلەۋدەن ءوتتى, ال, جيىرماسى اۋديتوريادان شىعارىلدى. جالپى, وبلىستا ۇبت تالاپتارى مەن ەرەجەلەرى بويىنشا اقپاراتتىق-تۇسىندىرمەلىك جۇمىستار بارىنشا جۇرگىزىلىپ جاتسا دا, تالاپكەرلەر ونى ەلەمەۋدە. بيىل تەستىلەۋگە كەلمەي قالۋ مەن اۋديتوريادان قۋىلۋ سەكىلدى ماسەلەلەر كوپ ورىن الىپ جاتىر", – دەيدى وبلىستىق ءبىلىم باسقارماسى باسشىسىنىڭ ورىنباسارى ۆالەري گامازوۆ بريفينگ بارىسىندا.
وبلىس ورتالىعىندا تەستىلەۋ ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ بازاسىندا 26-30 ماۋسىم ارالىعىندا وتەدى. پۋنكتەردەگى تەستىلەۋ ۇيىمداسقان تۇردە سانيتارلىق-ەپيدەميولوگيالىق تالاپتارعا ساي وتۋدە.
اقمولا وبلىسى