كەنشىلەر استاناسىنداعى نازارباەۆ زياتكەرلىك مەكتەبىنىڭ تۇلەگى, «التىن بەلگى» يەگەرى انار سەمبەكوۆا امەريكالىق Qunnipiak University جانە اعىلشىننىڭ Hult International School of Business دەپ اتالاتىن جوعارى وقۋ ورىندارىنان شاقىرتۋ العان ەدى. الايدا دارىندى جاس ەكىنىڭ ءبىرى ارمان ەتەتىن مۇنداي مۇمكىندىكتەن باس تارتىپ, ەلىمىزدىڭ تانىمال وقۋ ورنىن تاڭدادى.
مەديتسينا سالاسىنا تاڭداۋى تۇسكەن انار سەمبەكوۆا دارىگەرلىك ماماندىقتى ءوز ەلىمىزدە العان الدەقايدا دۇرىس دەپ ەسەپتەيدى.
– سەبەبى, – دەيدى ول, – ءار ەلدەگى جۇمىستىڭ ءوز ەرەكشەلىكتەرى بولادى. ال نازارباەۆ ۋنيۆەرسيتەت – ەلىمىزدەگى ەڭ ۇزدىك جوعارى وقۋ ورىندارىنىڭ ءبىرى. مەن اتالعان ءبىلىم ورداسى بازاسىنداعى ەكى اپتالىق لاگەردە بولعانىمدا, ونداعى جاعدايدى كورىپ قاتتى تاڭعالدىم. زەرتحانالار, قۇرال-جابدىقتار, وقىتۋشى-پروفەسسورلار, ءبارى-ءبارى وتە جوعارى دەڭگەيدە ەكەن!
بولاشاق دارىگەر انار سەمبەكوۆا مەديتسينا سالاسىندا داۋاسى جوق دەرتتەر, بەيمالىم قۇبىلىستار سياقتى ءالى دە تالاي اقتاڭداق بار ەكەنىن ايتادى. «ۋنيۆەرسيتەت قابىرعاسىندا مەن وسى جانە باسقا دا پروبلەمالار بويىنشا زەرتتەۋلەرمەن اينالىسىپ, ەلىمىزدەگى دەنساۋلىق ساقتاۋ سالاسىنىڭ دامۋىنا وزىندىك ۇلەسىمدى قوسقىم كەلەدى», دەيدى.
قاراعاندىنىڭ پاتريوت قىزى قازاقستاندا وقىپ, وسى جەردە جۇمىس ىستەۋدى الدىنا ماقسات ەتىپ قويعان. «ارينە, الەمدى ارالاپ, ساياحاتتاعان دۇرىس تا شىعار. ءتىپتى, شەتەلدە ءبىراز ۋاقىت تۇرۋعا دا بولادى. بىراق ءبارىبىر دە ءوز وتانىڭا ادال بولۋىڭ كەرەك», دەيدى اقىلدى قىز انار.
قاراعاندى