اقمولا وبلىسىنىڭ باس سانيتارلىق دارىگەرى ايناگۇل مۋسينا بۇگىننەن باستاپ اقمولا وبلىسىندا كارانتين شارالارى كۇشەيتىلگەنىن ايتتى, - دەپ حابارلايدى Egemen.kz.
بەلگىلى بولعانداي, 24 ماۋسىمنان باستاپ وبلىس بويىنشا ءىس-شارالار, فورۋمدار, كورمەلەر, كونفەرەنتسيالار, سەمينار, سيمپوزيۋمدار, سونداي-اق وتباسىلىق, ەستەلىك جانە وزگە دە بۇقارالىق ءىس-شارالار وتكىزۋگە تىيىم سالىندى.
ويىن-ساۋىق ورتالىقتارىنىڭ, كينوتەاترلاردىڭ, تەاترلاردىڭ, كورمەلەردىڭ جانە ادامدار كوپ جينالاتىن باسقا دا وبەكتىلەردىڭ قىزمەتى ۋاقىتشا توقتايدى.
سونداي-اق پاتسيەنتتەردى ستاتسيونارلارعا جوسپارلى جاتقىزۋ, سكرينينگتەر جانە پروفيلاكتيكالىق تەكسەرۋ توقتاتىلدى.
مەديتسينالىق ۇيىمداردا, قارتتار مەن مۇمكىندىكتەرى شەكتەۋلى ادامدارعا ارنالعان مەديتسينالىق-الەۋمەتتىك وبەكتىلەردە, سابيلەر ۇيلەرىندە, بالالار ۇيلەرىندە, الەۋمەتتىك وڭالتۋ ورتالىقتارىندا, مۇگەدەك بالالارعا ارنالعان وقۋ ورىندارىندا, ينتەرنات ۇلگىسىندەگى كارانتين جانە سانيتارلىق-دەزينفەكتسيالىق رەجيمدى ساقتاۋ رەجيمى ەنگىزىلدى.
65 جاستان اسقان ادامدارعا ۇيدەن شىعۋعا شەكتەۋ قويۋ, ساياباقتاردا سەرۋەندەۋگە, تۋىسقاندارىنا بارۋعا, سونداي-اق وتباسىلىق ءىس-شارالار وتكىزۋگە تىيىم سالىندى.
كوكشەتاۋ مەن ستەپنوگورسك قالالارىنىڭ اينالاسىندا كارانتيندىك ايماقتىڭ پەريمەترى ورناتىلادى جانە بلوكبەكەت ورناتۋمەن, كىرۋ/شىعۋ پۋنكتتەرى انىقتالادى. قالالارعا بەلگىلى ءبىر ساناتتاعى تۇلعالار عانا كىرە الادى.
ساعات 22:00-دەن 06:00-گە دەيىن كوكشەتاۋ, ستەپنوگورسك قالالارىنىڭ اۋماعىندا تۇرعىنداردىڭ جانە اۆتوكولىكتىڭ جۇرۋىنە تىيىم سالىنادى.