بۇگىن اتاقتى قاقپاشى ەۆگەني نابوكوۆتىڭ تۋعان كۇنى. ۇلتتىق حوككەي ليگاسىندا (ۇحل) كەرەمەت ويىن ورنەگىمەن كوزگە تۇسكەن بۇل ازامات 45 جاسقا تولىپ وتىر, دەپ جازادى Egemen.kz
ەۆگەني بىزگە بوتەن ەمەس. ول 1975 جىلدىڭ 25 شىلدەسىندە شىعىس قازاقستان وبلىسىندا تۋىپ-ءوستى. داڭقتى وسكەمەن حوككەي مەكتەبىنىڭ تۇلەگى ءوزىنىڭ سپورتتىق كارەراسىن جەرگىلىكتى "تورپەدودا" باستادى. ەل قۇراماسى سىپىندا بىرنەشە ويىن وتكىزىپ تە ۇلگەردى. كەيىننەن رەسەيگە قونىس اۋداردى. 1994-97 جىلدارى ماسكەۋدىڭ "ديناموسىندا" ويناسا, ودان كەيىن مۇحيت استى.
10 جىل بويى "سان-حوسە شاركستىڭ" نامىسىن ابىرويلى قورعاپ, تالاي كەرەمەت كورسەتكىشكە قول جەتكىزدى. سونىمەن قاتار ۇحل-دا "نيۋ-يورك ايلەندەرس" پەن "تامپا-بەي" جانە قحل-دا سكا مەن "مەتاللۋرگ" كلۋبتارىندا ونەر كورسەتتى.
ەۆگەني نابوكوۆ 2008 جىلى رەسەي قۇراماسى ساپىندا الەم چەمپيونى اتاندى. سونىمەن قاتار ول 2006 جىلى تۋرين جانە 2010 جىلى ۆانكۋۆەر وليمپيادالارىندا باق سىنادى.