قىركۇيەك ايىنىڭ باسىنان باستاپ الەمدەگى ەڭ قۋاتتى كينو يندۋسترياسى – گولليۆۋد ەكرانعا كوپتەگەن فيلمدەردى جونەلتتى. قازىر ولاردىڭ بىرتىندەپ پرەمەرالارى بولىپ جاتىر.
ءبىز سولاردىڭ ىشىنەن جۇرت نازارى اۋىپ جاتقان 15 كارتينانى تاڭداپ الدىق.
سونىمەن,
«12 اي»
وسى شولۋعا كىرىپ كەتىپ وتىرعان بۇل جالعىز رەسەيلىك لەنتە. ونىڭ باس كەيىپكەرى – پروۆينتسيادا ماسكەۋدى «جاۋلاپ الۋدى» ارمانداپ كەلگەن قىز. ءبىر جولىن ونىڭ وسى امانى دا ورىندالادى! بىراق قانداي جولمەن, قانداي قۇنمەن؟
«ەكى ۇڭعى»
اتىنان بەلگىلى بولىپ وتىرعانداي, بۇل – اتىس-شابىس ءفيلمى. ول امەريكالىق اكتەرلەر دەنزەل ۆاشينگتون مەن مارك ۋولبەرگتىڭ قاتىسۋىمەن تۇسىرىلگەن.
«نيۋ-يوركتەگى ۇشەۋ»
بۇل فيلم ءوزىنىڭ تۇسىرۋشىلەرىنە ميلليوندار اكەلە قويماس. بىراق... وندا كيانۋ ريۆز تۇسكەن. سوڭعى كەزدەرى كورەرمەندەرىن رازى ەتە الماي جۇرگەن اكتەردى وسى جولى جۇرت تاعى ءبىر بايقاپ كورۋى مۇمكىن عوي.
«لاۆلەيس»
ليدان لاۆلەيس. ەگەر ءسىز ح كاتەگورياسىنداعى فيلمدەرگە قۇمار بولماڭىز, بۇل ەسىمنىڭ تانىس بولماۋى مۇمكىن ەمەس.
«پيپەتس-2»
ماماندار بۇل كارتينانىڭ كاسساسى وتە كوپ بولاتىنىن ايتىپ وتىر.
«ريدديك»
ۆين ديزەلدىڭ ورىنداۋىنداعى جەڭىمپاز فۋرياندىق ەكرانعا جول تارتىپ ۇلگەردى. ول وتىن ءۇشىن كەك قيتارۋعا اتتانادى.
«قۇپيا اۋەيىلەنۋ»
بۇل, شاماسى, جاسى ۇلعايعان ايەلدەرگە تۇسىنىكتىرەك كورىنەتىن دراما بولسا كەرەك. ەرەسەك ەكى ۇلدىڭ ەكى اناسى. بالالار ەر جەتتى. بۇلار جالعىز قالدى. ەكەۋدەن ەكەۋ. كۇيەۋ جوق. ءبىر-بىرىنە ۇقساس ەكى تاعدىر. ەندى ەكەۋىنە دە كۇيەۋ كەرەك.
«دجوبس: ەلىكتىرۋ يمپەرياسى»
بالكىم, ستيۆ دجوبستىڭ جۇرتتىڭ ءبارى بىلەتىن شىعار. بۇل سونىڭ قوسىمشا قۇرىلتايشى بولۋىمەن شىعارىلعان فيلم.
«مالاۆيتا»
بۇل - ليۋك بەسسوننىڭ جاڭا ءفيلمى. وندا روبەرتو دە نيرو, ميشەل پفايفەر, توممي لي دجونسون, دياننا ارگون وينايدى. بۇلار ويناعان جەردە مافيوزيالىق كلان جۇرەتىنى تاعى بەلگىلى شىعار.
«سيقىرلى ورمان»
قىركۇيەكتىڭ سوڭىندا وتباسىلىق كينوعا نەمە انيماتسياعا باراتىندار سيرەيدى. بىراق فرانتسۋزدىڭ بۇل مۋلتفيلمىنە بالالارىن ەرتىپ باراتىن اتا-انا كوپ بولۋعا ءتيىس. شولۋ جاساۋشىلار وسىلاي دەيدى.
«Va-بانك»
بۇل, البەتتە, ەرتەرەكتە تۇسىرىلگەن پولياك ءفيلمىنىڭ كوشىرمەسى ەمەس. مۇندا قۇمارپاز ويىننىڭ قازىرگى زامانعى قاھارماندارى كورسەتىلەدى.
«كوگىلدىر كوزدى جاسمين»
بۇل فيلم ەڭ الدىمەن ۆۋدي اللەننىڭ تۋىندىسى رەتىندە اۋىزعا الىنىپ جاتىر.
«تۇتقىن قىزدار»
ءبىزدىڭ ەكراندارىمىزعا ەندى شىعىپ قالاتىن كارتينا جەلىسى وتە اۋىر – وندا ەكى وقۋشى قىزدى الدەكىمدەر ۇرلاپ اكەتەدى. قىزداردىڭ ءبىرىنىڭ اكەسى پوليتسياعا حابار بەرگەنىمەن, كۇدىكتىلەردىڭ ءبىرىن ءوزى ۇرلاپ اكەتەدى...
«كىسى ءولتىرۋ ماۋسىمى»
بۇل روبەرتو دە نيرونىڭ قاتىسۋىمەن شىعارىلعان تاعى ءبىر فيلم ەكەن. مەن ءوز باسىم بۇل ۇلى اكتەر ويناعان بارلىق ءفيلمدى دە وتە جوعارى دەپ باعالايمىن.