باتىس قازاقستان وبلىسىنىڭ جانىبەك اۋدانى ورتالىعىندا "التىن ساقا" اتتى الاڭ سالىنىپ جاتىر, - دەپ حابارلايدى Egemen.kz.
اۋىلداعى مۇستاحيم ىقسانوۆ پەن قاپان مۋسين اتىنداعى كوشەلەردىڭ قيىلىسىندا بۇرىنعى كونە عيماراتتىڭ ورنى بوس تۇرعان بولاتىن. كوكتەمدە اۋىل بويىنشا كوشە تويى مەرەكەسى وتكەن كەزدە ءدال وسى جەرگە تۇرعىندار ادەمى شارا وتكىزدى. سول كەزدە تۇرعىندار قاراۋسىز قالعان ءمۇيىستى اباتتاندىرۋدى سۇراعان ەكەن. ەندى مىنە, بۇل جەردە جانىبەك اۋىلدىق اكىمدىگىنىڭ ۇيىمداستىرۋىمەن ۇلتتىق سپورت الاڭى اشىلاتىن بولدى.
"اۋدان اۋماعىنداعى بارلىق مەكتەبىمىزدە اسىق ۇيىرمەلەرى بار. جەرگىلىكتى دەڭگەيدەگى سپورتتىق شارالار ۇلتتىق ويىندارسىز, سونىڭ ىشىندە اسىقسىز وتپەيدى. ەندى مىنە, اسىق ويىندارىنا ارنالعان ارنايى الاڭ اشقالى وتىرمىز", - دەيدى بىزگە جانىبەك اۋدانى اكىمىنىڭ ورىنباسارى جاقسىلىق كاريموللا ۇلى.
الاڭداعى قۇرىلىس جۇمىستارىن اقىلى جۇمىسقا تارتىلعان اۋىل تۇرعىندارى اتقارىپ جاتىر ەكەن. قارجى اۋىلدى اباتتاندىرۋ ارنالعان قوردان بولىنگەن. الاڭنىڭ كورنەكى جەرىنە الشىسىنان تۇسكەن التىن ساقا بەينەسى قويىلىپتى. ونى جاساعان – جانىبەكتىك شەبەر, ء"جاسومىر" جەكە كاسىپورنىنىڭ يەسى جومارت ماشاەۆ ەكەن.
شىلدە ايىنىڭ باسىندا اشىلعالى تۇرعان بۇل الاڭدا بالالار وينايتىن كەشەندى الاڭقاي دا ورنالاسپاق.
"اۋىلدىڭ وسى جاعىندا مەكتەپ جاسىنداعى بالالار دا كوپ. جاڭا الاڭنىڭ اشىلۋىن ولار دا كۇتىپ ءجۇر. كوروناۆيرۋستىڭ بەتى قايتىپ, ۆيرۋس جۇعۋ قاۋپى سەيىلسە, بۇل الاڭ بالالاردىڭ شات كۇلكىسىنە تولاتىن شاعى الىس ەمەس",- دەيدى جəنىبەك اۋداندىق ىشكى ساياسات ءبولىمى باسشىسى جانار دياسقىزى.
باتىس قازاقستان