الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين بريفينگتە اۋەزوۆ اۋدانى اكىمىنىڭ ورىنباسارى رەنات كەنەەۆ 20-21 ماۋسىم كۇندەرى اۋدان اۋماعىندا بارلىق ساۋدا ويىن-ساۋىق ورتالىقتارىنىڭ, ساۋدا ۇيلەرىنىڭ, ساۋدا ورتالىقتارىنىڭ, بازارلاردىڭ, سپورت زالدارىنىڭ جۇمىسى توقتاتىلعانىن حابارلادى. قازىر وسى نىسانداردا سانيتارلىق-پروفيلاكتيكالىق جانە ەپيدەمياعا قارسى سانيتارلىق شارالار جۇرگىزىلۋدە, - دەپ حابارلايدى Egemen.kz.
"قازىر ءبىزدىڭ دارىگەرلەرىمىز, پوليتسەيلەر مەن تىرشىلىكتى قامتاماسىز ەتەتىن كاسىپورىن قىزمەتكەرلەرى كۇشەيتىلگەن رەجيمدە قىزمەت ەتۋدە. مەن بارىنەن ولاردىڭ ەڭبەگىنە قۇرمەتپەن قاراۋعا شاقىرامىن. ءبىزدىڭ اۋداننىڭ تۇرعىندارىنان حالىقتى كوروناۆيرۋس ينفەكتسياسىنان قورعاۋعا قاجەتتى ءماجبۇرلى شارالارعا تۇسىنىستىك تانىتۋلارىن جانە بايىپپەن قاراۋلارىن سۇرايمىن", - دەدى الماتى قالاسىنىڭ اۋەزوۆ اۋدانى اكىمىنىڭ ورىنباسارى رەنات كەنەەۆ.
اۋداندا Asia Park, Sputnik Mall, Almaty Mall, Grand Park, Moskva metropolitan سوو جانە 8 باسقا ساۋدا ورتالىقتارى: ليۋمير, ءۇش سۇڭقار, ماساتو, City جانە باسقا 19 ساۋدا ءۇيى جۇمىستارىن توقتاتتى, ولاردىڭ اراسىندا Armada, Car City, تيگروحاۋد, اۆتوسيتي, 12 مەسياتسەۆ بار. 4 بازار: : ارىستان, سارى – ارقا, اقساي – 3, تيگروحاۋد جانە 17 سۋپەرماركەت Magnum, SMALL, رامستور, مەترو جانە باسقالارى.
سونىمەن بىرگە 28 سپورت كەشەنى D-fitness, FitnessBlitz, Invictus جۇمىستارىن توقتاتتى.
سونىمەن بىرگە, دەمالىس كۇندەرى جۇرت جاپپاي دەم الۋعا كەلەتىن ورىندارى جابىلدى, ناقتىراق ايتقاندا:سكۆەرلەر (4 شاعىن اۋداندا سارى-ارقا كينوتەاتىنىڭ سىرتىندا, جانە التىنسارين داڭعىلى بويىنشا قابدولوۆ كوشەسىنەن باستاپ جاندوسوۆ كوشەسىنە دەيىن) 8 شاعىن اۋدانداعى جاياۋ جۇرگىنشىلەر ايماعى, Family Park ساياباعى,سايران وزەنىنىڭ باتىس بولىگى