قازاقستان ۇلتتىق قۇراماسىنىڭ قورعاۋشىسى ماكسيم سەمەنوۆ نۇر-سۇلتاننىڭ "بارىسىنان" كەتتى. بۇل اقپاراتتى ايتۋلى كلۋبتىڭ ءباسپاسوز قىزمەتى تاراتىپ وتىر دەپ حابارلايدى Egemen.kz
وسكەمەن حوككەي كلۋبىنىڭ تۇلەگى ءار جىلدارى ءتولياتتيدىڭ "لادا", ماسكەۋ وبلىسىنىڭ "اتلانت" جانە ءياروسلاۆلدىڭ "لوكوموتيۆ" كلۋبتارىندا وينادى. "اتلانتپەن" بىرگە سەمەنوۆ گاگارين كۋبوگىنىڭ فينالىنا دەيىن جەتتى. 2004 جىلى ۇلتتىق حوككەي ليگاسىنىڭ "تورونتو مەيپل ليفس" كلۋبى درافتان تاڭداپ الدى. 2013 جىلدان بەرى «بارىستىڭ» ساپىندا ونەر كورسەتىپ كەلدى. ايتۋلى كوماندانىڭ كاپيتانى دا بولدى.
قازاقستان ۇلتتىق قۇراماسى ساپىندا ماكسيم سەمەنوۆ 2011 جىلعى ازيا ويىندارىنىڭ جەڭىمپازى اتاندى. سونداي-اق ول بىرقاتار ماڭىزدى جارىستا ەل نامىسىن قورعادى.