Nazarbayev University پرەزيدەنتى شيگەو كاتسۋ تۇڭعىش پرەزيدەنت – ەلباسى نۇرسۇلتان نازارباەۆقا ۋنيۆەرسيتەت جانە "Júsan" كومپانيالار توبى اتىنان حات جولدادى. حاتتا ەلباسىنا زور دەنساۋلىق, قاجىماس كۇش-قۋات جانە تەزىرەك ساۋىعىپ كەتۋىن تىلەدى, دەپ حابارلايدى Egemen.kz
"وتكەن جىلدىڭ جەلتوقسان ايىندا باستالعان قىتايداعى احۋال باستاپقىدا تەك جەرگىلىكتى پروبلەما بولىپ قالا بەردى. كەيىن COVID-19 ىندەتى بىرنەشە اپتالار مەن ايلار ىشىندە عالامدىق كاتاستروفيالىق ىندەتكە اينالدى. قوعام مەن ەلدەر اراسىنداعى ءوزارا قاتىناستاردىڭ سيپاتىن وزگەرتتى. COVID-19 ينفەكتسياسىنىڭ تەز تارالۋى ادامداردىڭ وقشاۋلانۋىنا جانە اۋرۋ توپتاردىڭ كوبەيۋىنە اكەلدى. پاندەميا − الەۋمەتتىك جاراتىلىستىڭ تابيعاتىن بۇزىپ, ادامزاتقا زيانىن تيگىزەدى", دەپ جازادى حاتىندا. حاتتىڭ سوڭىندا شيگەو كاتسۋ: ء"بىز سىزبەن قاشان دا بىرگەمىز! دەگەن سوزدەرمەن قورىتىندىلادى.