كەشە كوپ قاباتتى ءۇيدىڭ 5-ءشى قاباتىنداعى تەرەزەدەن قۇلاعان ەكى جاسار بالا اۋرۋحاناعا ءتۇستى, - دەپ حابارلايدى Egemen.kz
وبلىستىق توتەنشە جاعدايلار دەپارتامەنتىنىڭ حابارلاۋىنشا, بۇل وقىس وقيعا 16 ماۋسىمدا ساعات 19:40-تا اتىراۋ قالاسىندا بولعان.
"بەرەكە ىقشاماۋدانىندا ورنالاسقان كوپ قاباتتى ءۇيدىڭ 5-ءشى قاباتىنداعى تەرەزەدەن 2018 جىلى تۋعان بالا قۇلاپ كەتتى. بالا جابىق باس سۇيەك-مي جاراقاتى دياگنوزىمەن وبلىستىق بالالار اۋرۋحاناسىنا جەتكىزىلدى", دەپ حابارلادى دەپارتامەنتتىڭ ءباسپاسوز قىزمەتىنەن.