قازىر سىرقات ايەلدىڭ جاعدايى ءجىتى تەكسەرىلۋدە. وڭىردە COVID-19 ينفەكتسياسىن جۇقتىرعاندار سانى 274-كە جەتتى. ونىڭ 69-ى سيمپتومسىز تىركەلگەن. سوڭعى ەكى اپتادا دەرتتىڭ ءوسىم دەڭگەيى 23 پروتسەنتكە جەتكەن, - دەپ جازادى Egemen.kz
التى ادام جامان تۇماۋدان كوز جۇمدى. ولاردىڭ ەكەۋى كوكشەتاۋ قالاسىنان. العاشقى ايلاردا جامان حابار ەستىلە قويماعان وبلىس ورتالىعىنىڭ وزىندە 80-گە جۋىق ادامنىڭ كوروناۆيرۋس جۇقتىرعانى بەلگىلى بولىپ وتىر. ولاردىڭ كوپشىلىگى مەملەكەتتىك قىزمەتشىلەر.
ءۇش اي بويى ناۋقاس سانى 30-دان اسپاعان ينفەكتسيالىق گوسپيتال قازىر لىق تولى. وتكەن ءبىر تاۋلىكتىڭ وزىندە ىندەت جۇقتىرعان 27 ادام تىركەلگەن. اۋرۋدىڭ ءبىر كۇندىك تارالۋ ءوسىمى بەس پايىزدان اسادى. بۇعان دەيىن اۋرۋدىڭ جەڭىل بەلگىلەرى انىقتالسا, قازىر اسقىنعان, پنەۆمونياعا جەتكەن ءتۇرى بايقالادى.
"قازىر سيمپتوممەن كەلگەن 87 ادام ەم قابىلداۋدا. 5 ادام جان ساقتاۋ بولىمىندە جاتىر", دەيدى وبلىستىڭ باس سانيتارلىق دارىگەرى ايناگۇل مۋسينا.
ماسەلەنىڭ مانىسىنە تەرەڭىرەك كوز جۇگىرتسەڭىز, ساقتانساڭ عانا ساۋ بولاتىنىڭىزدى اڭعارتادى.