ىشكى ىستەر مينيسترلىگى وسى جىلدىڭ 1 ماۋسىمىنان باستاپ ءبىزدىڭ ازاماتتارىمىزدىڭ ارمەنيا رەسپۋبليكاسىنان اكەلگەن كولىك قۇرالدارىن تىركەۋ بويىنشا جۇمىستاردى جۇرگىزۋدە. العاشقى ەكى اپتادا 2 مىڭنان استام اۆتوكولىك تىركەلدى. بۇل تۋرالى ءىىم اكىمشىلىك پوليتسيا كوميتەتى توراعاسىنىڭ ورىنباسارى سەرىك امانتاي ۇلى ايتتى, - دەپ جازادى Egemen.kz
"تىركەۋدىڭ باسىم كوپشىلىگى ەلدىڭ باتىس ايماقتارىندا. رەسپۋبليكاداعى بارلىق تىركەۋدىڭ جارتىسىنا جۋىعى اقتوبە, اتىراۋ, باتىس قازاقستان جانە ماڭعىستاۋ وبلىستارىنىڭ ۇلەسىنە كەلەدى. تىركەۋ ءراسىمى وتە قاراپايىم جانە ازاماتتاردان كوپ ۋاقىتتى قاجەت ەتپەيدى. تىركەۋ شارتتارى مەن كولىككە قويىلاتىن تالاپتارعا كەلەتىن بولساق, ولار وسى جاعدايلار ءۇشىن مۇمكىندىگىنشە جەڭىلدەتىلگەن", دەيدى سەرىك امانتاي ۇلى.
ونىڭ ايتۋىنشا, تىركەۋ ءراسىمى وتە قاراپايىم جانە ازاماتتاردان كوپ ۋاقىتتى قاجەت ەتپەيدى. تىركەۋ شارتتارى مەن كولىككە قويىلاتىن تالاپتارعا كەلەتىن بولساق, ولار وسى جاعدايلار ءۇشىن مۇمكىندىگىنشە جەڭىلدەتىلگەن.
"ارمەنيانىڭ ۋاكىلەتتى ورگاندارىندا قازاقستان ازاماتتارىنىڭ اتىنا تىركەلگەن جانە ولار ءبىزدىڭ ەلىمىزگە 2020 جىلعى 1 اقپانىنا دەيىن كىرگىزىلگەن سول جاقتى باسقارۋ تەتىگى بار كولىك قۇرالدارى تىركەۋگە جاتادى. تىركەۋ اۆتوكولىكتىڭ يەسىنە, ياعني ارمەنيا رەسپۋبليكاسىندا بەرىلگەن تەحقۇجاتتا كورسەتىلگەن تۇلعا بويىنشا جۇزەگە اسىرىلادى. مۇنداي كولىكتەردى تىركەۋ سەنىمحات نەمەسە ساقتاندىرۋ ءپوليسى نەگىزىندە باسقاراتىن ادامدارعا جۇرگىزىلمەيدى, ويتكەنى زاڭدى تۇردە ولار كولىك يەسى بولىپ سانالمايدى", دەپ ايتتى سەرىك امانتاي ۇلى.