تۇڭعىش پرەزيدەنت – ەلباسى اتىنداعى ۇلتتىق قورعانىس ۋنيۆەرسيتەتىندە اۋە قورعانىسى كۇشتەرى, اۋە شابۋىلىنا قارسى قورعانىس, تىل جانە قارۋ-جاراق ماماندارىن دايارلاۋ ءۇشىن شتاتتىق-ۇيىمداستىرۋ ءىس-شارالار وتكىزىلدى. بۇل تۋرالى نۇسقاۋدى بۇعان دەيىن قورعانىس ءمينيسترى بەرگەن بولاتىن, - دەپ حابارلادى مينيسترلىكتىڭ ءباسپاسوز قىزمەتى.
قارۋلى كۇشتەر, باسقا دا اسكەرلەر مەن اسكەري قۇرالىمدار ءۇشىن اسكەري كادرلاردى ساپالى دايارلاۋ ماقساتىندا ۋنيۆەرسيتەتتە ىشكى وڭتايلاندىرۋ ەسەبىنەن جانە شتات سانىنىڭ ءليميتى شەگىندە شتاتتىق-ۇيىمداستىرۋ ءىس-شارالار وتكىزىلدى.
اۋە قورعانىسى كۇشتەرى كافەدراسى اۋە قورعانىسى كۇشتەرى جانە اقپاراتتىق جۇيەلەر قاۋىپسىزدىگى فاكۋلتەتىنە دەيىن كوتەرىلدى. بۇل اسكەري-اۋە كۇشتەرى مەن اۋە شابۋىلىنا قارسى قورعانىس اسكەرلەرى ءۇشىن جەدەل-تاكتيكالىق بۋىن وفيتسەرلىك كادرلارىن دايارلاۋ ساپاسىن جاڭا دەڭگەيگە شىعارۋعا مۇمكىندىك بەرەدى.
ماتەريالدىق-تەحنيكالىق قامتاماسىز ەتۋ اسكەرلەرى فاكۋلتەتى تىلدىق جانە تەحنيكالىق قامتاماسىز ەتۋ فاكۋلتەتى بولىپ قايتا قۇرىلدى. وسىلايشا, اسكەرلەردى قامتاماسىز ەتۋگە جاۋاپتى مامانداردى دايارلاۋ بولىپ بولىنگەن. ارنايى تەرەڭدەتىلگەن باعدارلاما بويىنشا كوماندير ورىنباسارلارىن قوسا العاندا تىلدىق قامتاماسىز ەتۋ ماماندارىن جەكە دايارلايدى, ال ۇرىستا تەحنيكالىق قامتاماسىز ەتۋدى ۇيىمداستىرۋ جانە جوسپارلاۋ بويىنشا كوماندير ورىنباسارلارىن قوسا العاندا,قارۋ-جاراق پەن اسكەري تەحنيكا ماماندارىن جەكە دايارلايدى.
مۇنداي وزگەرىستەر ال ۋاقىت تالابىنا ساي بولىپ تابىلادى. ولار قازىرگى زامانعى قارۋلى قاقتىعىستاردىڭ سيپاتىن ەسكەرە وتىرىپ, ەكى ساناتتاعى مامانداردىڭ بىلىكتىلىك دەڭگەيىنە قويىلاتىن تالاپتاردىڭ وسۋىنەن تۋىندادى.
ۇلتتىق قورعانىس ۋنيۆەرسيتەتى ورتالىق ازيا اۋماعىنىڭ ەڭ ءىرى اسكەري جوعارى وقۋ ورنى بولىپ تابىلادى جانەدە قازىرگى ۋاقىتتا كادرلاردى, ونىڭ ىشىندە شەتەلدىك اسكەري قىزمەتشىلەردى دايارلاۋ سپەكترىن كەڭەيتۋ, ەلدىڭ ۇلتتىق قاۋىپسىزدىگى مۇددەسىندە اسكەري عىلىمدى دامىتۋ جونىندەگى پەرسپەكتيۆالىق مىندەتتەردى شەشۋدە.
وقۋ ورنىندا اسكەري كادرلاردى دايارلاۋ مەملەكەتتىڭ قازىرگى زامانعى اسكەري ۇيىمىنىڭ مىندەتتەرىن سونداي-اق ەلدىڭ اسكەري قاۋىپسىزدىگىنە جاڭا قاۋىپ-قاتەرلەردى ەسكەرە وتىرىپ جۇزەگە اسىرىلادى.
جاڭا ۇلگىدەگى وقۋ ورنى, اسكەري ءبىلىم بەرۋ جانە زياتكەرلىك اسكەري ەليتانى دايارلاۋدا ينوۆاتسيالاردى ەنگىزۋدە سالاسىندا كوشباسشى, سونداي-اق ەلىمىزدىڭ قارۋلى كۇشتەرىنىڭ, باسقا دا اسكەرلەرى مەن اسكەري قۇرالىمدارىنىڭ ۆەدومستۆوارالىق وقۋ-ادىستەمەلىك جانە عىلىمي ورتالىعى بولىپ تابىلادى.