كوروناۆيرۋس سەبەبىنەن جول-كولىك وقيعالارى ازايعان

ونلاين كەزدەسۋگە يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ, ىشكى ىستەر مينيسترلىگى اكىمشىلىك پوليتسيا كوميتەتىنىڭ, باس پروكۋراتۋرا قۇقىقتىق ستاتيستيكا جانە ارنايى ەسەپكە الۋ ورگاندارىنىڭ, سونداي-اق "جول اكتيۆتەرى ساپاسى ۇلتتىق ورتالىعىنىڭ" رمك, قازجولعزي" اق, "قازاق جول قوزعالىسى قاۋىپسىزدىگى عىلىمي-زەرتتەۋ ينستيتۋتى" جشس جانە "قازاقاتوجول" جشس وكىلدەرى قاتىستى.

مامانداردىڭ ايتۋىنا قاراعاندا, ەلىمىزدە توتەنشە جاعدايدى ەنگىزۋ جولدارداعى اپاتتىلىق دەڭگەيىنىڭ تومەندەۋىنە سەپتىگىن تيگىزدى. وسى رەتتە 2020 جىلدىڭ 5 ايىندا جكو وقيعالارىنىڭ سانى 15% تومەندەپ, 638 وقيعانى قۇرادى. وتكەن جىلى بۇل كورسەتكىش 747 وقيعانى قۇراعان بولاتىن. سونىمەن قاتار اپاتتاردىڭ سالدارىنان مەرت بولعانداردىڭ سانى 35%, جاراقات العانداردىڭ سانى 23% ازايعان. الايدا اۆتوكولىكتەردىڭ قوزعالىسىنا قويىلعان شەكتەۋدىڭ الىنۋى كولىك اعىنىنىڭ كۇرت ارتۋىنا, اپاتتىلىق دەڭگەيىنىڭ دە وسۋىنە سەپ بولدى. جۇرگىزىلگەن مونيتورينگتىڭ ناتيجەسىندە بەلگىلى بولعانداي, تەك ءبىر اپتا ىشىندە, ياعني 1 جانە 7 ماۋسىم ارالىعىندا حالىقارالىق جانە رەسپۋبليكالىق ماڭىزى بار اۆتوموبيل جولدارىندا 29 جكو ورىن العان. اپاتتاردىڭ سالدارىنان 16 ادام كوز جۇمىپ, 50 ادام جاراقات الدى. 

جيىنعا قاتىسۋشىلار جول قاۋىپسىزدىگى جونىندەگى ۆەدومستۆوارالىق كوميسسيا مەن ساراپشىلاردان قۇرالعان جۇمىس توبىن قۇرۋ تۋرالى شەشىم قابىلدادى. بۇدان بولەك, بەلگىلى ءبىر جول ۋچاسكەلەرىندە قوزعالىس 2+1 ءتيپى بويىنشا ۇيىمداستىرىلسا, قاۋىپتىلىگى جوعارى جول ۋچاسكەلەرىندە مەتالل قورشاۋلاردىڭ ورنىنا سىمارقاننان جاسالعان قورشاۋلار ورناتىلعان.

مۇنىمەن قوسا, ۇشاق جانە پويىز اپاتتارىن تەرگەۋ انالوگياسى بويىنشا قازاقستان جولدارىندا جول ينفراقۇرىلىمى مەن كولىك قۇرالدارىنىڭ كونسترۋكتسياسى ەلەمەنتتەرىنىڭ جكو-عا اسەرىن انىقتاۋ ماقساتىندا اپاتتاردى ينجەنەرلىك-تەحنيكالىق تەكسەرۋ جانە تالداۋ جونىندەگى ارنايى كوميسسيالار قۇرىلاتىن بولادى. بۇدان باسقا, جول قوزعالىسىن باقىلاۋدىڭ اۆتوماتتاندىرىلعان جۇيەلەرى قۇقىق بۇزۋشىلىقتار تۋرالى دەرەكتەردى بەرۋ جانە جازانىڭ بۇلتارتپاستىعى قاعيداتىن قامتاماسىز ەتۋ ءۇشىن اكىمشىلىك قۇقىق بۇزۋشىلىقتاردىڭ بىرىڭعاي تىزىلىمىمەن بىرىكتىرىلەتىن بولادى.

كەزدەسۋگە قاتىسۋشىلار قازاقستان جولدارىنداعى اپاتتىلىق دەڭگەيىن تەك بىرلەسكەن كۇش-جىگەر مەن ۇيلەستىرىلگەن جۇمىس قانا تومەندەتۋگە مۇمكىندىك بەرەتىنىن اتاپ ءوتتى.