قازاقستان رەسپۋبليكاسى قورعانىس مينيسترلىگىندە قورعانىس ۆەدومستۆوسىنىڭ باسشىسى ادىلبەك جاقسىبەكوۆ بەلارۋس رەسپۋبليكاسى مەملەكەتتىك اسكەري-وندىرىستىك كوميتەتىنىڭ توراعاسى سەرگەي گۋرلەۆپەن كەزدەستى. كەزدەسۋ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ قازاقستان رەسپۋبليكاسىنا رەسمي ساپارى شەڭبەرىندە وتكەن بولاتىن.
قازاقستان رەسپۋبليكاسى قورعانىس مينيسترلىگىندە قورعانىس ۆەدومستۆوسىنىڭ باسشىسى ادىلبەك جاقسىبەكوۆ بەلارۋس رەسپۋبليكاسى مەملەكەتتىك اسكەري-وندىرىستىك كوميتەتىنىڭ توراعاسى سەرگەي گۋرلەۆپەن كەزدەستى. كەزدەسۋ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ قازاقستان رەسپۋبليكاسىنا رەسمي ساپارى شەڭبەرىندە وتكەن بولاتىن.
تاراپتار اسكەري-تەحنيكالىق سالاداعى ەكىجاقتى ىنتىماقتاستىقتىڭ قازىرگى جاعدايى مەن كەلەشەگىن تالقىلادى. اتالعان سالاداعى ەكىجاقتى قارىم-قاتىناستى رەتتەۋشى جانە ونىڭ دامۋىنا ىقپال ەتەتىن ماڭىزدى ورگان رەتىندە اسكەري-تەحنيكالىق ىنتىماقتاستىق جونىندەگى قازاقستان-بەلارۋس كىشى كوميسسياسى جۇمىسىنا وڭ باعا بەرىلدى.
كەزدەسۋدە ادىلبەك جاقسىبەكوۆ:
– قازاقستان قورعانىس مينيسترلىگى بەلارۋس قورعانىس ونەركاسىبى كەشەندەرىمەن ىنتىماقتاستىقتى كەڭەيتۋگە دايىن. ءبىز ەل اۋماعىندا قازاقستان-بەلارۋس بىرلەسكەن كاسىپورىندارىن سالۋعا مۇددەلىمىز, – دەپ اتاپ ءوتتى.
كەزدەسۋدە قازاقستان قارۋلى كۇشتەرىنىڭ ۇشاقتارىنا بەلارۋس كاسىپورىندارىندا, سونداي-اق استانادا سالىناتىن اۆياتسيالىق-تەحنيكالىق ورتالىقتا تەحنيكالىق قىزمەت كورسەتۋ بويىنشا ىنتىماقتاستىقتى ودان ءارى دامىتۋ تالقىلاندى.
ادىلبەك جاقسىبەكوۆ پەن سەرگەي گۋرلەۆ قازاقستان-بەلارۋس ەكىجاقتى اسكەري-تەحنيكالىق ىنتىماقتاستىق پەن ءوزارا ءىس-قيمىلداردى بەلسەندىلەندىرۋ تۋرالى اڭگىمەلەستى.
«ەگەمەن-اقپارات».