جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا ءاربىر اينالىمنان سوڭ اۆتوبۋس ءىشى كۆارتستالىپ, ارنايى دەزينفەكتسيا قۇرالدارىمەن وڭدەلەدى, دەپ حابارلايدى ەلوردا اكىمدىگىنىڭ ءباسپاسوز قىزمەتى.
"Red Bus ەكسكۋرسيالىق اۆتوبۋستارى ءوز جۇمىسىن باستاعانىن قۋانا حابارلايمىز! ءبىز اۋديوگيدىمىزدى جاڭارتىپ, قوسىمشا جاڭا باعىت – ەسىل وزەنىنىڭ جاعالاۋىن قوستىق.
قاۋىپسىزدىك ماقساتىندا ءار اينالىم سايىن اۆتوبۋس كۆارتستالىپ, ارنايى دەزينفەكتسيا قۇرالدارىمەن وڭدەلەدى. سالوندا قولدى تازارتۋ ءۇشىن انتيسەپتيك ورناتىلعان جانە ءار ادامعا ءبىر رەتتىك قۇلاققاپتار بەرىلەدى. بارلىق جولاۋشىلار ەكسكۋرسيا بارىسىندا اۆتوبۋس ىشىندە ماسكا تاعىپ وتىرۋى كەرەك.
"ەلوردا بويىنشا قاۋىپسىز ەكسكۋرسياعا شاقىرامىز! ءسىز قالانىڭ تاريحىمەن تانىسىپ, نۇر-سۇلتاننىڭ ەڭ كورىكتى ورىندارىن تاماشالايسىز", – دەيدى كومپانيا وكىلدەرى.
Red Bus كۇن سايىن, دەمالىسسىز جۇمىس جاسايدى. جونەلتۋ ورنى – "ەسىل وزەنىنىڭ جاعالاۋى" ايالداماسى, 10:00, 12:50, 15:20 جانە 18:10.
ءبىزدىڭ ايالدامالارىمىز: ەسىل وزەنىنىڭ جاعالاۋى
"حان-شاتىر" سوو
"ماڭگىلىك ەل" سالتانات قاقپاسى
"نۇر-الەم" مۋزەيى
ۇلتتىق مۋزەي
"بايتەرەك" مونۋمەنتى
"Ailand" وكەاناريۋمى", - دەلىنگەن حابارلامادا.