جارتىلاي ورتا سالماقتا ونەر كورسەتەتىن قازاقستاندىق كاسىپقوي بوكسشى بوبىرجان مومىنوۆتىڭ (10-0, 8 كو) كەلەسى جەكپە-جەگىنىڭ ۋاقىتى بەلگىلى بولدى, - دەپ حابارلايدى Egemen.kz.
28 جاستاعى بوكسشىمىز شارشى الاڭعا 16-ماۋسىم كۇنى شىعادى. بۇل بوكس كەشىن ايگىلى Top Rank كومپانياسى لاس-ۆەگاس قالاسىنداعى (نەۆادا شتاتى, اقش) MGM Grand قوناق ۇيىندە وتكىزەدى.
BoxRec مالىمەتى بويىنشا, قازاقستاندىق بوكسشىنىڭ قارسىلاسى 26 جاستاعى امەريكالىق كەمەرون كراەل (17-15-3, 4 كو) بولادى. جەكپە-جەك سەگىز راۋندقا جوسپارلانىپ وتىر.
مومىنوۆ ءوزىنىڭ سوڭعى كەزدەسۋىن 2019 جىلدىڭ 23-مامىرىندا كوستا-مەسا (كاليفورنيا شتاتى, اقش) وتكىزىپ, تورەشىلەردىڭ شەشىمى بويىنشا دجوناتان ستيلدى (9-3-1, 6 كو) جەڭگەن ەدى.
ايتا كەتەيىك, وتانداسىمىز 2017 جىلى ساۋل "كانەلو" الۆارەستىڭ (51-1-2, 35 كو) سپاررينگ قارسىلاسى بولعان ەدى. ول كەزدە مەكسيكالىق اتاقتى بوكسشى گەننادي گولوۆكينگە (38-1-1, 34 كو) قارسى وتكىزەتىن كەزدەسۋگە دايىندالىپ جاتقان.