قازاقستاندىق تەننيسشى ميحايل كۋكۋشكين تۇرىكتىڭ يزمير قالاسىندا «چەلەندجەر» كاتەگورياسىنداعى ءتۋرنيردىڭ جەڭىمپازى اتاندى. بۇل تۋرالى sports.kz سايتى حابارلادى.
قازىر الەم رەيتينگىندە 124-ءشى بولىپ تۇرعان 25 جاسار كۋكۋشكين الەمنىڭ 1064-ءشى راكەتكاسى يتاليالىق لۋكا سورەنسەندى 6:1, 6:4 ەتىپ جەڭدى. ميحايل وسى جەڭىسى ارقىلى 2013 جىلعى ماۋسىمدا «چەلەندجەر» كاتەگورياسىنداعى ءتۋرنيردى ءۇشىنشى مارتە ۇتىپ الۋعا قول جەتكىزدى. سپورتشى سونداي-اق وسى جەڭىسى ءۇشىن 9 مىڭ 200 ەۋرو كولەمىندە قالاماقى الىپ, اتر رەيتينگىسىنە 90 ۇپاي قوستى.
دامير قوجامقۇل.