اقش-تا قازا تاپقان قازاقستاندىق تالعات ورىمباەۆتىڭ دەنەسى كەشە ەلگە جەتكىزىلدى. استاناداعى اۋەجايدا باۋىر ەتى بالاسىنىڭ دەنەسىن قارسى العان تۋىستارى بىردەن تۋعان جەرى كوكشەتاۋعا قاراي جول تارتتى. بۇل تۋرالى Nur.kz حابارلادى.
«چيكاگو قالاسىندا جول-كولىك وقيعاسىنان كوز جۇمعان تالعات ورىمباەۆتىڭ ءمايىتى استاناعا نيۋ-يورك ارقىلى جەتكىزىلدى. اۋىر قازاعا بەي-جاي قاراماعان جۇرت ينتەرنەت ارقىلى اكتسيا وتكىزىپ, 16 مىڭ دوللارعا جۋىق قارجى جيناعان ەدى.
سىرتقى ىستەر مينيسترلىگى دە بۇل وتباسىنا كومەك بەردى», - دەلىنگەن حابارلامادا.
ايتا كەتەيىك,, شەتەلگە ءبىلىم قۋىپ بارعان كوكشەتاۋلىق ازامات 25 قىركۇيەك كۇنى جەرگىلىكتى مەديتسينالىق ورتالىقتىڭ بىرىندە ءجانتاسىلىم ەتكەن. بەلگىلى بولعانداي, ول تاس جولدى قيىپ وتپەك بولىپ جۇگىرىپ وتكەندە, جۇيتكىپ كەلە جاتقان كولىكتىڭ استىنا تۇسەدى.
كولىك تىزگىنىنە يە بولا الماعان 53 جاسار اقش ازاماتى تەرري سەمس دەرەۋ جەدەل جاردەم شاقىرتقان. الايدا, دارىگەرلەر تالعاتتىڭ ومىرىنە اراشا تۇسە المادى.
سۇلتان بوزايعىر.