گرەك-ريم كۇرەسىنەن الەمنىڭ ەكى دۇركىن جۇلدەگەرى 25 جاسار المات كەبىسباەۆ وتباسىن قۇردى. بۇل تۋرالى يكونتاكتە الەۋمەتتىك جالىسىندە Kazakhstan Wrestling Online توبى حابارلادى.
پالۋاننىڭ تاڭداۋى 18 جاسار ايجان ەسىمدى قىزعا ءتۇسىپتى. ول اقمولا وبلىسىنداعى ستەپنوگورسك قالاسىنان. ول دا سپورتشى. وليميالىق رەزەرۆ مەكتەبىن بىتىرگەن, جۇزۋمەن شۇعىلدانادى.
توي قازان ايىنىڭ باسىندا المات كەبىسباەۆتىڭ تۋعان جەرىندە, شىعىس قازاقستان وبلىسىنىڭ ءۇرجار كەنتىندە ءوتتى. تويعا نۇرماحان تىناليەۆ باستاعان كوپتەگەن سپورتشىلار قاتىسىپتى.
المات كەبىسباەۆ 60 كيلوعا دەيىنگى سالماقتا الەمنىڭ ەكى مارتە جۇلدەگەرى اتانعان. ول 2010 جىلى ماسكەۋدە ءۇشىنشى بولسا, 2011 جىلى ىستامبۇلدا فينالعا دەيىن جەتتى. بۇدان باسقا, كوپتەگەن حالىقارالىق تۋرنيرلەردە جەڭىمپاز اتاندى, 2012 جىلى لوندون وليمپياداسىنا قاتىستى.
ۇستىمىزدەگى جىلى المات قازاندا وتكەن ۋنيۆەرسيادادا قولا مەدالدى موينىنا تاقتى. ال بۋداپەشتتە وتكەن الەم چەمپيوناتىندا جۇلدەگەرلەر ساپىنا ەنە المادى.
رۋسلان يگىلىك.